08:05 Gonamçylyk | |
GONAMÇYLYK
Şäherden alysda tutdular ony, Gün-günden giñeltdi özüniñ çägin. Kä görseñ daşlaşýan ýaly şäherden, Golaýlaşýan ýaly şähere kä gün. Şäherem ulalýar ini-boýuna, Bir görseñ, daşlaşýan ýalydy ondan. Ýöne köçe ellerini uzadyp, Öwlüýä golaýlap barýardy çyndan. Gonamçylyk şäher bilen tapyşdy, Ýatyr ol durmuşa gulagyn asyp. Köçeleri bilen dolap alypdyr, Otyr şäher ony bagryna basyp. * * * Jana-jan dostumdy, Gitdi dünýäden, Gitmänkä başyndan ýigitlik ýazy. Ajala aldyryp ýaz ýaly ýigdi, Ýaz ýaly ömürden ýitirdik ýazy. Şonda bildim ajylygyn ajalyñ, Hem bildim durmuşyñ süýjüligini, Owal-ahyr bizi ýaşadýan zadyñ - Bildim bu dostlugyñ güýjüligini... Indi öýlerine barmak ýeñil däl, Indi öýlerine barmazlyk agyr. Barsam - enäñ derdin gozgaýan ýaly, Barmasam - iýýän dek ýüregniñ ýagyn. Aşyrguly BAÝRYÝEW. | |
|
√ Käbir aýallara melek diýýäñiz / Goşgular - 04.02.2024 |
√ Was-wasylara... / Goşgular - 23.01.2024 |
√ Owadan pyçak hakynda erteki / Goşgular - 09.04.2024 |
√ Düýşgowuran / Goşgular - 08.04.2024 |
√ Erjellik / Goşgular - 05.01.2024 |
√ Nädip ýaşamaly?! / Goşgular - 13.01.2024 |
√ Ýagyş damjasy / Goşgular - 24.03.2024 |
√ Gowy görülen goşgy / Goşgular - 05.01.2024 |
√ "Ulag gidip barýar..." / Goşgular - 28.04.2024 |
√ Salam, Türkmenistan! / Goşgular - 01.01.2024 |
Teswirleriň ählisi: 1 | |
| |