Gyssandym ýördüm

GYSSANDYM ÝÖRDÜM

Çünki onuň galan ömri hasaply.
Atajan Annaberdi / “Garrylyk”

Oglankam ulalsam diýip,
Uly:ň hatarna gyssandym.
Gije basym gün dogsa diýp,
Gündiz batarna gyssandym.

Ýigitkäm güzeran gözläp,
Ýaz ekdim, güýze gyssandym.
Aýma-aý “aýlyk” wagtyna,
Hezil gündize gyssandym.

Gojalykda kellä geldi,
Nirä men beýle gyssanýan?!
...Öň ýyllary ýele sowrup,
Indem günleri gysganýan.

Geldimyrat SEÝIDOW.

2022 ý.