Noýabr gijesi

NOÝABR GIJESI

Noýabryñ bu çigrekli gijesi,
Asmana seredip ýyldyz sanaýan.
Noýabr sanalar güýzüñ jüýjesi,
Sen haçan sanajak, şu wagt sanaman?!

Şeýlebir asuda, şeýlebir hezil,
Oturybermeli çala galdyrap.
Ýa edibermeli çarýana gezim,
Aý-aýdyña gyraw düşýär buldurap.

Bu ajaýyp surat, bu ajap görnüş,
Noýabryñ gijelerne myhmandyr.
Şahyr dilli şoh ýigitler, eý görnüş,
Noýabrly gijelerde ygýandyr.

Noýabr gijesi owadan bolýar,
Güýzän nar deý süp-süýjüdir hyýaly.
Owadan görnüşler ýürekde galýar,
Noýabryñ çigrek gijesi ýaly.

Myrat GURBANOW.