"Menem bir gün giderin..."

"MENEM BIR GÜN GIDERIN..."

Menem bir gün giderin bu barlykdan,
Onsoň meňem öz başyma öýüm bor.
Dostlarymam gelmez öňküler ýaly
Hemem indi alyp ýörmen geýim zol.

Owadan gyzlaram girmez düýşüme,
Söýjek bolup oda düşmez ýüregem.
Her hepdäniň juma güni agşamlyk
Meni ýatlap aýat okar enemem.

Agalamam her üýşmekde ýatlaşyp:
“Wah, bolsady, wah, bolsady…” diýerler.
Ýok adamlar üleşikden binesip,
Noş bolsun, meniňem paýym iýenler!

Janym jesedimi terk eden güni
Nädip ýaranaýyn, bir garabaşym?!
Göwne degişmegem bolandyr,
Ýöne
ýagşylykda ýatlaweriň, haýyşym.

Şu owadan dünýä baky gelýän ýok,
Ýadyňyzda saklaň, unutmaň hergiz:
Sabyr ediň, nebsi öňne düşenler,
Meň paýyma degmäň, ölemok heniz!

Myrat GURBANOW.