Saña

SAÑA

Men seni gazandym yhlasym bilen,
Bagta ýetip bolmaz hasrat tölemän,
Bir ömüri ýaşaş maňa, nikadaş,
Duýaýyn men seni hut öz kölegäm.

Geçen agyr günleň geçdigi bolsun,
Ýüregi giňetsin aýat-dogalar,
Eger söýüp ýörsek birek-biregi,
Derdimiz şatlyga gömülip galar.

Artyk ýük ýok adamzadyň başynda,
Durmuş gussa berýär ebtiňe görä,
Mähribanym, üýtgäp durýa howalar
Seň gülküňe görä, keýpiňe görä.

Ýaňjada daşarda gar syrap durdy,
Howlyň içi alamatdy, sowukdy,
Ýylgyryp gujagma ýygnandyň welin,
Sowuk, taýyp, seň mähriňe ýolukdy.

Her bolşuňdan täsirlense tebigat,
Häsýetiňden täsirlenip ÿazÿan men;
Seň bilen bir tende ýaşaýan ýaly,
Hasratlansaň dowzah bolup ýanýan men.

22.12.16 ý.

Ýazmyrat ÇÖRLI.