Mertebäñi ýygnap goýdum...

MERTEBÄÑI ÝYGNAP GOÝDUM...

Mertebäňi ýygnap goýdum kalbymda,
Onuň açaryny zyňdym, zeýe men.
Sensiň gözelligiň soňlanýan ýeri,
Häzir, süýji duýgylara eýe men.

Älemiň perdesi syrylýa bir ýan,
Dünýäň gujagyndan çykaňda oba.
Seni ugradýarlar gözleri bilen,
Kyrkyny doldurup gelenler toba.

Her kimiň ynsaby özüne ýoldaş,
Azat sen obanyň göýdük derdinden.
Saňa sataşamda özümi gutlap,
Seni hyýalyma sowgat berdim men.

Roýuňy düýşüme ýazdyryp bir çak,
Ony gaýta-gaýta, saradyp görýän.
Gülkiň goşulanda ýürek urgyma,
Jahana başgaça seredip görýän.

Indi Ýeriň ýüzi öwrüldi yşga,
Bu gün dünýäň şatlygyna eýe men.
Mertebäňi ýygnap goýup kalbymda,
Onuň açarynam zyňdym zeýe men.

Ýazmyrat ÇÖRLI.

31.05.19.