Dostum Ýagşy Goşunowa

DOSTUM ÝAGŞY GOŞUNOWA

Ikimizem bir ykbaly geçiren,
Meňzeş derdi çekip ýörüs ýaşlykdan.
Ejesizlik bizi günde öldürýär,
Afrikanlar ölüp ýörkä açlykdan.

Bize mesele däl şöhrat gazanmak,
Işläp ýörsek rysgal-döwlet taparys.
Biz ikimiz meňzeş-meňzeş adamlar,
Biz her gije gussa çekip ýatarys.

Göräýmäge gowy ýaly ähli zat,
Kändir bizi bagtly saýyp ýörenler.
Emmä ikimizden müň esse bagtly,
Ejesiniň gapdalyndan örenler.

Döşümüze kakyp ýören çagymyz,
Arkamyzyň dagy, boldy bir tümmek.
Belki bu adamlar düşünýän däldir,
Ejeňi jaýlamak-özüňi gömmek.

Men derdimi goşgy bilen ýeňletsem,
Sen derdiňi gardyň, içine şowuň.
Ýarym däli, bolup galan sähne biz,
Meniň eziz dostum, Ýagşy Goşunow.

Ýazmyrat ÇÖRLI.