Главная » 2023 » Iýun » 23 » Aldanýar
19:40

Aldanýar

ALDANÝAR

Durmuşy synla çykyp bir ýandan,
Ajy hakykatlar gaçýar aýaňdan,
Käteler tersine söwer aýaldan,
Arassa ahlak bir mert ýigit aldanýar.

Baýlygam salgym dek gelýär başyna,
Baýlar gelýär baýlaryňam aşyna,
Adalatsyzlyk bilen dolup daşyna,
Ýalançynyň oýnuna köpler aldanýar.

Der döküp gazanyp razy durmuşdan,
Kynçylyklar seplenip gelýär birbaşdan,
Kyn güninde bolmadyk nadan gardaşdan,
Alaçsyz dogandan dogan aldanýar.

Berilip bu  ýalançyň lezzet oýnuna,
Şeýdip doly baglap alýar goýnyna,
Ýalan bilen ýalňyşyn gizlap aýbyna,
Bir mähriban eje gyzdan aldanýar.

Çagam diyip çyn ýürekden söýgüläp,
Toýun tutýar illäp günläp bergiläp,
Ogul gelin  ene atasyn aýrylap,
Ata-ene oz oglundan aldanýar.

Şirin ALYMOWA.
Категория: Goşgular | Просмотров: 188 | Добавил: Demirgazykly | Теги: Şirin Alymowa | Рейтинг: 3.3/3
Awtoryň başga makalalary

Goşgular bölümiň başga makalalary

√ Gije hem gündiz / Goşgular - 07.02.2024
√ Puluň başarnygy barada agymtyl goşgy / Goşgular - 10.01.2024
√ Gökdepäm / Goşgular - 22.03.2024
√ Hasap / Goşgular - 18.02.2024
√ Perişan kalbyñ umydy / Goşgular - 01.01.2024
√ Ýogaldy / Goşgular - 05.05.2024
√ "Ulag gidip barýar..." / Goşgular - 28.04.2024
√ Düýşgowuran / Goşgular - 08.04.2024
√ Sowuk söz / Goşgular - 31.01.2024
√ Eýdip-beýdip... / edebi ýaňsylama / Goşgular - 12.01.2024

Teswirleriň ählisi: 2
0
1 ibrahimbadakhshan  
694
Goşga dil degiresim gelenok, ýöne goşgy bilen adynyň arasynda hiç hili gatnaşyk tapabilmedim!?

-1
2 sylapberdimuhamov  
1428
Ibrahimbadahşan! her bir goýlan esere tankydy bellik aýtmak meniň pikirimçe oňa dil degirmek ýa-da kemsitmek däl. Ýöne her bir eseriň ululygyna-kiçiligine garamazdan kämil bolmagyny isleýärsiň. Bu ýazar ýa şahyr üçin hem däl, hususan okyjy üçin gowy.
Ýokardaky goşgy hakda aýtsam, gowşak kapyýalar, nädogry bogun sanlar dogrusynda durubam geçmek islämok, ýöne tematika taýdan edil häzirki döwürde örboýuna galan meselelere bagyşlanýar. Emma şeýle gönümel sada ýazylypdyr, goşgy formasyna gerek däl tema. Bu bir makala, oýlanma, esse bolup bilerdi, eger ýene-de bir zat goşsaň. Biziň döwrümizde didaktiki goşgularyň möwriti geçen ýaly görünýär, meniň pikirimçe.
Berdinazar Hudaýnazarowyň ömrüniň soňky ýyllarynda döreden goşgulary bar, durşuna öwüt-ündew, özem kämil ýazylan, emma olar diňe toýlarda tamadalar tarapyndan ürç edilip okalýar diýäýmeseň, halk içinde seýrek ulanylýar.
Meniň pikirimçe goşgy, şygyr ynsan duýgularyndan söz açsa gowy boljak ýaly.
Emma köne degişmedäki söz ýadyma düşýär: Dogrusyny döw aganyň özi bilýär.

Teswiri diňe saýta agza bolan ulanjylar goşup bilýär.
[ Agza bol | Saýta gir ]