21:21 Syr bolup galan sowgat / hekaýa | |
SYR BOLUP GALAN SOWGAT
Güýz öz şatlykly güni bilen bile geldi. Bu gün hemmeler üçin begençli günleriñ biridi, aýratynam Gülkamar üçin köp garaşan günüdi. Her günkileri ýaly ir säher bilen turup, öý işlerini etdi, soñra okuwa gitmek üçin geýinmäge öz otagyna girdi. Otagyñ içi gyzyñ kalby ýaly arassa,ýagty, hoşomaý yslydy. Gülkamar uludan demini alyp, şar gara saçlaryny emaý bilen darap örmäge başlady. Gapydan ejesi Jemal gelneje girdi. - Tüweleme, boýuña döneýin. Edil ýañy ýaly,bizem siz ýalykak okuwa gidişimiz. Eýýäm biziñ perzentlerimiz bilim alýar. Nesip bolsa bilimiñi ýokarlandyrarsyñ. Wagt şeýle çalt geçýär. - Hawa eje, 1-nji synpa ýañy giden ýalydyk, bu gün soñkyja okuw ýylymyz. Mekdebimi örän göresim geldi. Men eglenmäýin eje. - Bolýa gyzym. Şowly bolsun okuwyñyz- diýip, Jemal gelneje çynar boýly gyzyna nazar aýlap, guwandy. - Sag bol eje. Joralarym garaşyp durandyrlar. - Sag-amaja bar gyzym. Göni gitde göni gelgin. - Eje indi men kiçijik çaga däl-ä. Düşünýän, hemme zada. - Ýok gyzym, "Hemme zady bilýän" diýseñ ýalñyşarsyñ. Siz durmuşyñ ýañy bir çetinden girip başladyñyz. Bolýa eglemäýin. Sag-amanja gel. - Bolýar, sag oturyñ sizem. Gülkamar ýola düşdi, ýeriñ gaýmagyny bozman ýöräp barýan gyzyñ öñünden synpdaşy Suhan duşdy. Asyl ol Suhan Gülkamaryñ gelmegine garaşyp dursa nätjek.Ýigit gözlerini aýyryp bilmän gyza seredip durdy,gyz bu ahwala utandy,ardynjyrady. Ýigit: - Gülkamar salam, Gowumy ýagdaýlaryñ?! - Salam Suhan. Ýagşy, siziñ halyñyz niçik?! Suhan jogap bermänem ýadyndan çykaran ýaly dymyp durdy. Birden özüne geldi,aljyrady. - Bir azyrajyk agram berýän duýgularym bar diýmesem ýagşy. Okuwumyzam şowly bolsun. - Hawa, gyzlar garaşyp durandyr, isleseñ synpdaşlaryñ bilen bile giderdiñ?! - Meniñ barmaly ýerlerim bar. Mekdepde görşeris, gyzlar bilenem, oglanlar bilenem. Suhan Gülkamaryñ yzyndan garap içini gepletdi. "Öñem-ä alaçsyz çyrpynýaryn, indi beterledim. Bir gün menem şu ýygralygymdan açylsam, bagt guşum uçmanka. Heý bolýa-da jany sag bolsun"- diýip, uludan demini aldy. Gülkamar joralary bilen gabatlaşyp,gümür-ýamyr edip mekdebiñ gapysyny ýetendiklerini hem duýman galdy.Ýañy dolan aý ýaly hemmelerden saýlanyp duran Gülkamar ilki bolup göze ilýärdi.Onuñ ak näzik ýüzünde gara gözleriniñ üstündäki ýaý ýaly gaşlary, derek ýaly boýy,tolkun atyp dyzlaryna ýetip duran saçlary, inçe billi gözel gyz adamlaryñ gözlerinde eglenýärdi.Inede Gülkamar köp wagtlap görmek islän ynsanyny gördi. Ol kim bolup biler?! Elbetde ençe ýyllar elinde terbiýe alan öz uýasy ýaly görýän Hajar mugallymydy. Hajar mugallym mekdepde iñlis sapagyndan okatýardy, Gülkamara hem gowy öwrenşipdi. Sapagyñ daşyndan başga temalar hakda pikir alyşýardylar. Mugallymyñ şeýle dünýä garaýşynyñ ulydygy, berýän ündewleri Gülkamary özüne çekýärdi. Biri-birlerini görüp şatlandylar, hal-ahwal soraşdylar. Hajar mugallym Gülkamara gynançly hem-de begençli habarynyñ bardygyny aýtdy. - Bu gün men ýörite seniñ üçin geldim,ýöne habarymy 1-nji arakesmede aýtjak. - Gyzyklandyrdyñyz, sizden begençli habara garaşýan. - Hawa begençli habarymam bar, gynançlam. Öz otagymda garaşýan-diýip,inçejik ellerini emaý bilen gysdy. Ilkinji jañ dabarasyndan soñ, ilkinji okuw sapagynda synpdaşlar gülüşip-degişip wagtyñ nähili deçendiklerini bilmediler. Synpdaşlaryñ hemmesi öñkülerinden ulalypdyrlar,indi uly adam ýalydylar. Sapak gutardy. Gülkamar Hajar mugallymynyñ ýanyna howlukmaç ýagdaýda bardy. - Mümkinmi?! - Giribersene gyz. Tüweleme Gülkamar diýseñ gülkamar jigim.Seni görmek üçin geldim. -Menem kän garaşdym size. Diñleýän habaryñyzy... Mugallym sumkasyndan ak kagyza owadanlap ýazylan haty çykardy-da Gülkamara uzatdy. - Men seni toýumyza çagyrýaryn. Hökman gel, gelmeseñ gaty görerin. Bu bolsa çakylyk haty. -Begendim. Bagtyñyz bolsun. Nesip bolsa bararyn. Siz indi...? Gülkamar mugallymynyñ mekdepden gidip barýanyna düşündi. - Meniñ ýerime Meret mugallym okadar. Seniñ gowşamajagyña ynamym bar. Men gideýin, seni gördüm,habarymy aýtdym. - Siziñ gitmegiñiz meni gynandyrdy. Janyñyz sag bolsa bolýar. Toýuñyza garaşýan. Gülkamaryñ göýberesi gelmedi. Mugallym gideninden soñ Gülkamar hem synpyna bardy. Synp ýolbaşçynyñ alan bahalarynyñ jemi ýagny bal boýunça oturtmagyna görä,Jelaletdin bilen Gülkamar ilkinji partany köp ýyldan bäri eýeleýärdiler, hemişe sapakdaky meseleleri bile çözýärdiler. Bu gün synplaryna täze gyz okuwa gelipdi. Özi hakda gysgaça tanyşdyrdy adynyñ Bägüldigini aýtdy. Entäk täze mekdebine,synpdaşlaryna öwrenişmek bir az kynyrak düşdi. Sapaklar gutaranyndan soñ öýe gaýtmak bilen bolundy. Joralar Gülkamar, Aýna hem-de Mahym, haýaljakdan ýöräp gelýärkäler yzlaryndan Bägüliñ hem gelýändigini görüp sägindiler. Asyl Bägülleriñ öýi hem ýol ugrynda eken.Gyzlaryñ yzyndan Jelaletdin, Suhan we Ýusup ýetip geldi.Hemişe öýlerine gaýdanlarynda bile gaýtýardylar. Aýna bilen Ýusubyñ sesleri has batly çykýardy. Olaryñ işi diñe güldürtmek ýaly,dymyşlyga ýol berenokdylar. Ertesi gün Suhan ýene-de ýolda Gülkamara garaşyp durdy.Bu waka her gün gaýtalandy. Gülkamar Suhany dogany ýaly görýärdi. Ol"- Hut şeýle ýoldaş Maýor"diýip Gülkamaryñ aýdan sözleriniñ makullaýardy. Bu aýtýan jümleleriniñ geçmişi hem-de geljegi bardy. Günlerde bir gün Suhan ýolda görünmedi,okuwada barmandy. Gülkamar işi çykandyr diýip pikir etdi. Emma beýle däldi. Suhanyñ okuwa gelmeýänine ýigrimi dördülenji güni,Ýusup Suhan hakynda synpdaşlaryna gynançly habary aýtdy. -Suhan size köp salam ýollady. Bolan wakany siziñ bilmezligiñizi isleýär. Ýöne men aýtmagy makul bildim. Hemme okuwçylar Ýusubyñ indiki aýtjak sözlerine tutuş durklary bilen gulaga öwrülip garaşýardylar. -Suhan hassahanada. Ol bedenini terbiýeleýän wagty çep aýagyna güýçli agram bijaýrak düşüpdir. Has dogrusy daýanç süñki oñarylmaz ýagdaýda döwülüpdir. Lukmanlar onuñ deregine demir goýjakdyklaryny aýdypdyrlar. Ýene-de köp wagtlap okuwa gelmez. Hiç kimden ses çykmady, otagyñ içini ümsümlik gurşap aldy. Beýle ýagdaýyñ bolanyna ynanyp bilmediler.Gözlerine ýaş aýlap, şumjaranlaram boldy. Şol pursat Gurban zöwwe ýerinden galdyda: -Ýörüñdä, näme beýdip otyrs? Suhany soramaga gideliñ. Synpdaşlar begenip kitapdyr depderlerini ýygnamaga durdylar. Ýöne Ýusubyñ soñky aýdan sözleri has beter gaýgylandyrdy. - Ýok, entäkler soramaga gidip bilmezligimiz mümkin,sebäbi bejergisini daşky welaýatda alýar, jañ üsti bilen habarlaşaýmak galýa. Bu gün hiç kimiñ keýpi bolmady. Bir gün keýpiñ bozulup biler emma bir aýa golaý hemme zatdan göwni geçen,ýerinden galman ýatan ynsan nähili ahwaly başyndan geçirýärkä?! Suhan gözlerini gyrpman ýokaryk seredip ýatyrdy. Kellesinde bolsa ençe pikirler at salýardy,eden arzuwlaryny ýatlanynda bolsa gözlerinden ýaşlary durman syrygyp gaýtdy,juda ejizledi. Aýagynyñ agyrysy ejir baryny berýärdi ýöne ýüreginiñ ezýeti aýagyndan has beterdi. Gapydan ejesi Zyba gelneje ýeke dikrar daýanjy ogly üçin taýýarlan naharyny getirdi. - Oglum ýagşymy ýagdaýyñ,agyryly ýeriñ barmy? - Gel eje, şuña-da şükür. - Geçip gider oglum aýagada galarsyñ. - Haý nä bileýindä eje --diýdi-de,uludan demini aldy. Zyba gelnejäniñ umytly gözleri ýaşardy,damagy doldy. - Nahar bişirdim, iý balam, kuwwatlanarsyñ- diýip, öz elleri bilen ogluna nahar uzatdy. - Ýok eje işdäm ýok, özüñiz iýip-içiñ arkaýyn. - Sen iýmeseñ bokurdagymdan zat geçmez-ä jan balam iý,eýýäm zat iýmeýäniñe ep-esli gün boldy, öñki berdaş bedeniñden nam-nyşan galmady ahyryn, señ oduña men ýanýan. - Bolýa eje, özüm iýerin, dynjyñy al, ýadansyñ--diýip,ýene-de gözlerini açyp ýokaryk seredip ýatdy. Zyba gelneje "Bolýa" diýip gitdi, ýöne ol dynjyny almaga däl-de ogly üçin gerek dermanlary tapmaga gidipdi. Suhan içini gepletdi""-Nahar salmaga agyz galdymy?Siñdirmäge aşgazan?"'Gülkamary ýatlady. ""-Indi men seniñ ýoluñda durmaryn, hiç habaram gatmaryn, arzuwlarymyñ bary puç boldy, bagt guşumy öz ellerim bilen uçurjak,sebäbi seni özüme taý göremok. Men aýaksyz galan oglan,sen bolsa...aýtmana söz tapmaýan. Sen ömrümde ilkinji we iñ soñky söýen gyzym.Senden soñ hiç kimi seni söýüşim ýaly söýmerin.Bagtlydygyñy görsem menem bagtly bolaryn.Ýygralygym ýolumy baglady.Indi meniñ maksadym saña ýetmek dälde seni unutmak....""oglan birden ýuwdundy, bokurdagyndan gaýgylary geçip, öz gamyny özi iýdi. Gülkamar bu ahwaldan habarsyzdy. Iñrik garaldy, Suhan bolsa Aýyñ ýagty şöhlelerine gözlerini gyrpman seredýärdi.Wagt bir çene bardy,Zyba gelnejäniñ şol gidişidi. Suhan binjalyk bolup başlady.Zyba gelneje gara bermedi. Suhan garaşdy,ahyry daña golaý uka gitdi. Guşlaryñ jürküldeşýän sesleri arzuwlaryndan el çeken ýigidi oýardy.Görse ertirligi getirilipdir. Suhan kimiñ ertirlik taýýarlap getirenini şol bada bildi,ol elbetde mähriban ejesidi.Oglunyñ gowy görýän heýgenegi,gaýnadylan tüwi hem-de demini alan çaý bardy.Lukmanlar bejergilerini edenlerinden soñ Zyba gelneje oglunyñ ýanyna gelip,halyny sorap bolan wakany,gerekli dermanlaryny tapman näme hereket etjegini bilmän duran pursady edil Hydyr ata ýaly bolup köne tanşy birdan peýda bolup,hemme gerekli dermanlary tapyp berendigini Suhana aýdyp berdi.Bile ertirlik edindiler. Habary kimden al? Sapak wagty göýä doñan daş ýaly bolup oturan Gülkamardan al. Gülkamar gözlerini bir nokada dikip nämedir bir zatlaryñ pikirini etýärdi. Doñan daş diñe Gülkamar däldi,gapdalynda otyrýan Jelaletdin hem bardy.Esli wagt dowam eden pursatdan soñ sypdaşy Gözel Gülkamara seslendi,ol eşitmedi. Ýusup: - Gözel gygyrma, sesiñ näme gyz?! Olar dymmaşak oýnaýarlar, oýunlaryny bozarsyñ, işiñ bilen bolsana... Ýusubyñ gülküli edip aýdan sözlerine hemme gülüşdi. Gülkamar bilen Jelaletdin bu gülkülere birden tisginip yzlaryna ýalt edip seretdi.Ýusup seslendi: -Ana Gözel aýtdym-a, oýunlaryny bozarsyñ diýip. Olar gülkülerini dowam etdiler.Jelaletdiniñ kellesine gowy pikir gelen ýaly derrew ak kagyzy alyp bir zatlar ýazmaga durdy.Ýene pikirlenip başlady.Gülkamar: - Jelaletdin nähili işiñ üstünde işleýäñ? Pikirlenşiñ-ä...-diýip,çyrşap otyran kagyzyna tarap boýnuny uzatdy. - Aýtsam-aýtsam gülmersiñ gerek?! - Ýok-la,kömegim deger,gülmegim aýtýan zadyña bagly,galanam... - Dogrydanam diñe sen başararsyñ şul işi,saña ynanýan. - Hawa...? - Aýdaýyn diñle. Täze synpdaşymyz bar-a... Bägül. Ana şu haty şoña gowşuryp bermeli.Meniñ ýazmadyk sözlerimem owadanlap aýdyp göýber.Sen ökdä çeperlemäge... Gülkamar dymdy onuñ göwninde Jelaletdin üçin ýer ýok däldi. -Ine okap göräý-diýip, Gülkamara haty uzatdy. -Ýok,men gowşuryp bereýin,okasam gelşiksiz hasaplaýan-diýdi-de,haty alyp bir katabynyñ gatlarynyñ arasynda bukdy. Sapak gutardy.Gülkamaryñ elinde bolsa öz geljegini çözýän hat ýüregini ezdi.Içini gepletdi "'-Eger men bu haty Bägüle gowşursam,olam alsa,soñy belli bu wakañ.Eger-de men bu haty gowşurmasam,nämeler garaşar,begençli günlermi ýa...."'Soñra ýenede öz özüne käýedi "'-Toba-toba, men nämeleri diýip duryn? Söýgä düşünýäñmi diýsene.Öz bagtym üçin biriniñ bagtyny ýatyrman,bu meniñ etjek işim däl.Bägülüñ ýanynda Jelaletdiniñ tarypyny ýetireýin gowusy."'-diýdi-de Bägüle tarap ugrady.Baryp Jelaletdiniñ öwgüsini ýetirdi,gowy oglandygyny aýdyp haty eline gysdyrdy.Wagt örän çalt geçýärdi.Ertesi gün Gülkamar mekdebe baranda Bägül Gülkamara garaşyp dur eken.Bägülüñ ýüzünde ýylgyryş bardy.Gülkamar içini gepletdi"'-Hawa ýylgyryş bolman näme bolsun başga".Hal ahwal soraşanlaryndan soñ Bägül gülüp, -Gülkamar güldüribä hezil etdirdiñ. Bu haty näme üçin maña berdiñ? Bu sözlere Gülkamar haýran galdy. Baharyñ ýüzüne soragly seretdi. -Göniñden gelsene gyz,näme dìýjek bolýañ? -Men ol haty özüñe okadardymam welin... -Näme boldy, weliniñ näme? -Haty Jelaletdine berdim ýañja.Saña aýdyp bersemem bolýar ýöne meniñ dilimde düşündirip bilmerin.Jelaletdiniñ ol sözleri nädip tapanyna intägem haýran,menä gaýta-gaýta okasamam düşündirmek başardanok,ol söze şeýle çeper eken-diýdi. Gülkamar Jelaletdiniñ bu eden hereketine hiç düşünip bilmedi,synpyna geldi.Jelaletdin ýerinde ýok,soñky sapaklaram gelmedi.Gülkamar Jelaletdini gaçgak hasaplady,ýöne ol beýle däldi.Asyl şol gün Jelaletdin okuwuna ir gelip Gülkamara köp garaşypdy. Gülkamaryñ uýasy Ajabyñ toý sähedi bellenipdi.Uýalar toý üçin niýetlenen lybaslaryny,mähirlerini siñdirip,çeper elleri bilen sünnäläp keşde çekýärdiler.Göziñ ýagyny iýip gelýän dürli sapaklardan inçelik bilen ýerine ýetirilen nagyşlar güniñ çogy ýaly lowurdaýardy. Otagyñ bir gyrasynda asgyçlardan asylan milli lybaslar has göze ýakymly,gözeldi.Gülkamar keşdesini taýýar eden dessine Ajap matanyñ ýüzüne ýerleşdirýärdi.Gyzlarynyñ armasyny ýetirmek üçin Jemal gelneje geldi. -Tüweleme gyzlarym,gözel bolupdyr nagyşlaryñyz-diýip,mähirli ellerini nur çaýylan nagyşlaryñ üstünden gezdirdi. - Sag bol eje. Sizden öwrenenlerimiz heý-de gözel bolmazmy. - Şu keşdeleriñ ýaly durmuşuñam gözel bolsun jan balam. Bagtyñ bolsun. Ajap kellesini ejesiniñ dyzynda goýdy-da oýa batdy. Mähriñden gandyrdyñ,doglan günümden, Karzym kändir,nädip ödesin balañ, Golumdan galdyrdyñ büdrän ýolumda, Ak daña atarýañ pähmiñden käbäm. Arzuw etmek däldi beren ündewiñ Şol arzuwa ýetmekligi öwretdiñ Gunçalady yhlasyñdan gülleriñ. Tikenlerden daşlaşmagy görkezdiñ... Gülkamar işlerini bir ýan-ýüzli edeninden soñ Suhanyñ hal ýagdaýyny soramagy makul bildi.El nomerine aýlady.Suhan bu wagt edil hemişekileri ýaly geçmişiniñ hem-de geljeginiñ pikirini edip otyrdy.Gülkamardan jañ gelende,tisginip ýüregi jigläp gitdi.Jañy alynmady. "-Ine ençe wagtlar sesine zardyñ,alda gürleşdä indem.Öñler gamly wagtym şatlanmagyma sebäp bolan bu ses,indi dertli wagtym ýaralarymy duzlaýar.Bessir gözleriñi açmaga wagt boldy.Menem ýatlapsyñ,a men bolsa seni bir minut hem unutmadym.Maksadym tersine boldy.Saña tarap ylgan ýolumda indi durjak,Bir minut unutmadym,indi hiç ýatlamaryn"diýip,içini gepletdi.Soñra Gülkamara hat ýazyp ugratdy.Gülkamar jañy alynmandygynyñ sebäbini gapdalynda lukmanlar bardyr diýip oýlap daşary çykdy.Suhandan gelen haty Gülkamaryñ uýasy Ajap okady.Ajap gözlerine ynanmady hem-de Gülkamaryñ bilmezligini isläp haty düýbünden öçürdi.Gülkamar gelen hatdan habarsyz galdy.Suhanyñ agyrysyndan ünsi bölüner ýaly birnäçe kitapdyr hekaýalary ýollady.Gülkamardan gelen kitaplary gören Suhan çuñ pikirlenmäge mejbur boldy."-Indi bu näme boldugy?Meniñ iberen hatymdan soñ bular ýaly ýagdaý bolar diýip oýlanmandym.Hatymdan soñ gelen kitaplar şu bolsa,Gülkamaryñ göwni mende ýok däle meñzeýär...Ýok garaşaýyn"-diýip,jogapsyz goýdy. Durmuşdan,bagtyndan umudyny üzen Suhan indi has höwesli,geljegi üçin dikelmäge jyrjaşdy.Her sabalar begençli ýagdaýda oýandy,ýüzünde ýylgyryş döredi.Bu ahwala Zyba gelneje hem örän begendi.Suhanyñ bedeni gün-günden taplandy,elbetde bu ýagdaýa Gülkamardan gaýgyly hatlaryñ gelmeginiñ ýerine,kitapdyr,hekaýalaryñ gelmegi sebäp boldy. Suhan uly gyzyklanma bilen az wagtda birnäçe kitaplary okap boldy,kän zat öwrendi.Iñ möhümi geljegi üçin nähili ýagdaýda bolsada durman göreşmelidigini öwrendi. Täze gün dogdy.Gyzlar bile mekdebe barýardylar.Gülkamaryñ bolan ýerinde bäsdeşleri,görebilmezçilik etýänler hem tapylýardy.Gülkamar olaryñ aýtýan sözlerine gaýtargy söz aýdanokdy,olar bilen pikir alyşmazlyga çalyşýardy.Mekdepde geçirilýän ýaryşlarda hem çekeleşikler bolýardy,şonda-da mugallymlar tarapyndan Gülkamar ýeñiji edilýärdi,bolmalysy hem şeýledi.Soñky wagtlar bäsdeşleri hem bir az seýreklän ýalydy.Sapak başlady.Jelaletdin beren haty barada gürrüñ açmak isledi emma Gülkamaryñ ilkinji hem-de iñ soñky aýdan sözi "Salam"boldy.Jelaletdin öz özüne zeýrendi "-Iliñkiden üýtgeşik söz aýtjak bolup,nähili ýagdaýa düşdim.Maña geregem şol.Al indi iliñkiden üýtgeşik jogaby.Hemmeleriñ edişi ýaly edibersem bolanokmy diýsene,manada akyl gelmän geçdi.Gülkamaryñ berjek duzluja jogabyndan soñ akyl gelmegi ahmal.Gelen akyl bilen getiren eýesini goýbermejek bolaýyn"-diýip,uludan demini alyp,sapaklary bilen boldy.Birdenem Jelaletdiniñ kellesinine gowy pikir geldi,onuñ begenjinden ýaña ýüzi ýagtylyp gitdi.Bu gün agşam Hajar mugallymyñ toýydygy ýadyna düşdi.Gülkamar bilen Aýna toýa gitmek üçin wagt bellediler.Gyzlaryñ edýän gürrüñlerini Jelaletdin durky bilen gulaga öwrülip diñledi. Bellenen wagt gelip ýetdi.Jelaletdin hem täze eginbaşyny geýip,gowy atyryndan ep-eslije sepindi.Penjireden gyzlaryñ geçerini garawullap durdy.Inede Gülkamar bilen Aýna ýola ýagty berip,assa ýöräp gelýärdi.Jelaletdin gözlerini aýyryp bilmän seretdi.Gyzlar eslije uzaklaşanlaryndan soñ Jelaletdiniñ özi hem toýa gitýändigi ýadyna düşüp,Gülkamar üçin niýetläp alan terje gyzyl güllerini ýuwaşlyk bilen eline alyp ýola düşdi.Jelaletdiniñ bu saparky tapan hokgasy hem ýerine düşmändi.Ýerine düşmändiginiñ sebäpkärleri Anna mugallym bilen synpdaşy Omaryñ ýarak itidi.Jelaletdin üçin bu waka,hiç haçan ýatdan çykmajak pursat boldy. Toý sowulypdy,eli gülli Jelaletdin çynar agaja ýaplanyp Gülkamaryñ ýoldan geçmegine garaşyp durdy.Bir ýerlerden boýy ep-esli ösen haýbatly Alabaý peýda boldy.Gele gelmäne Jelaletdine golaýlap üýrüp başlady.Ýigit näme etjegini bilmän"Jüt,jüt "-diýip,iti kowjak boldy.Ýöne onuñ bu sesi itiñ gulagynada ilmedi.Alabaý has golaýlaşyp Jelaletdiniñ elindäki güllere agyz saldy.Jelaletdiniñ buña gözi çykaýjak boldy,gahary geldi-de gülleri batly çekip aldy.Omaryñ itini çagyrýan sesi eşidildi,Alabaý şol tarapa ylgap gitdi.Jelaletdiniñ ýörite niýetläp geýen täze eşikleri tozana garyldy,alan terje gülleriniñem sanaýmalyjasy abat galdy.Üsti-başyny kakyşdyryp,"-Mundan ozal meni näçe sapar görýän Alabaý gele-gel şu gün topulmalymy diýsene?Eýesi Omar bolsa...aý bolýada,Gülkamar gelmänkä gülleri bir tertipläýin"-diýip,gülleriñ içinden abadyny saýlamaga durdy.Gyzlaryñ gelýändigini görüp ardynjyrady,ýöne garşydaky ýoldan bir ulag gelip Jelaletdiniñ gabadynda sägindi,ol Berdi mugallymdy. -Ýazlyýew senmi? Ýör golaýladaýyn. -Salam mugallym,ýok-ýok özüm giderin-diýip,näme etjegini bilmän durdy. -Barmaly ýolumyz bir-ä... Jelaletdin mugallymyñ özdiýenligini bilýärdi,ahyry Berdi mugallym bilen öýüne gitmeli boldy.Öýüne baranynda jigisi Guwanç öñünden çykdy: -Ohow egin başyñ nähili? Gijäñ içinde göreş tutduñmy?! -Hawa göreş tutdum, senem tutarsyñ nesip bolsa. -Aýdyp berdä, tilsimlerini? Arkañ ýere degdimi ýa?!-diýip,ýañsylaýjy äheñde güldi. -Seniñki artyk şu wagt-diýip,Jelaletdin ýüzüni sallap öz otagyna geçdi. Ertesi gün mekdepde Omar bilen gabatlaşdy. -Itiñi ýüpsiz agşamyna boşatmañ näme? Adamlary ýaralasa näme etjek?!-diýip gaharyny Omardan çykardy. -Alabaýymdam arkaýyn,ol bilmän adamlara degenok,sen nirden bilýäñ? -Düýn sesini eştdim-diýip,ýagdaýy bildirmezlige çalyşdy. Ine-de Ajabyñ toý sähedi gelip ýetdi.Gün dogandan Gülkamar aýak üstünde myhmanlara hyzmat etýärdi.Toý gyzykly geçipdi emma Gülkamar doglanyndan ýanynda bolup,bile oýnap ulalan uýasyndan aýrylmak ýokuş degdi.Myhmanlar öýli-öýüne gideninden soñ ýedi ýaşlaryndaky goñşy oglanjyk Yhlas Gülkamara ýadap göterip gelen ullakan gutyly sowgady uzatdy.Gülkamar bu sowgat uýasy Ajap üçindir diýip oýlady,ýöne bu beýle däldi.Gutynyñ daşynda "Gülleriñ kamaryna"diýen ýazgy bardy.Hatyñ arka tarapynda bolsa "Ýollan...sowgady açañda aýan bolar"diýip ýazylgydy.Gülkamar "Soñ açaryn"-diýip sowgady bir gyra süýşirip,toýdan soñ arassaçylyk geçmäge durdy.Sagat bir çene baranynda işlerini tamamlap ýerine geçdi. Ertesi gün Gülkamar oýanmady,ýakynlary "-Toýuñ ýadawlygydyr,çaga aýak üstünde durup hyzmat etdi dynjyny alsyn"- diýdiler.Jemal gelnejäni bu ahwal howsala saldy.Gyzynyñ ýanyna bardy.Gülkamaryñ nurly ýüzünde reñk galmandyr.Başyny sypalady,Jemal gelneje duýdy,haýal etmän hassahana ýerleşdirdiler. Lukmanlaryñ bejergilerinden soñ Gülkamar ysgynsyz halda gözlerini çala açdy.Gapynyñ añyrsyndan lukmanlar bilen ejesiniñ kakasynyñ gürrüñleri eşidilýärdi.Birdenem Gülkamaryñ gulagyna "-Köp ýyllar ejir beren ýürek keseliniñ indi bejergisi diñe Allanyñ elinde,sanalgyja sagatlar gyzyñyz bilen gürleşip bilersiñiz"-diýen,sözleri eşildildi.Gülkamar bu ýagdaýyny öñem bilýärdi,ýöne şonda-da ynanmazlyga çalşdy,bu dünýäde ýaşasy gelýärdi. Ýüreginde ençe arzuwlar edipdi,indi wagt gutardy,arzuwlaryñ eýesi arzuwlaryndan daşlaşyp barýar.Gülkamar tötänlikde özi baradaky hassanyñ hatyny okady hem-de eşidenleriniñ dogrudygyna göz ýetirdi.Ýakyn garyndaşlary Gülkamaryñ ýanyna hal ýagdaýyny soramaga geldiler,hemme adam bilýärdi,Gülkamara bildirtmejek bolýardylar.Jemal gelneje gelip damagy dolup gyzynyñ ýanynda aglamazlyga çalşyp,işini bahanalap daşaryk çykyp,aglap diñmedi. Gülkamaryñ: "Nurly didäm bilen synlap jahany, Owadan dünýäde ýaşasym gelýär. Ödäp Watanymyñ beren duzuny, Owadan dünýäde ýaşasym gelýär. Owadan dünýäde bagtly bolup, Käbäm,Kyblam bilen ýaşasym gelýär Ýaşlygymy ýatlap janym sag bolup, Owadan dünýäde ýaşasym gelýär. Arzuwlam däl, men arzuwdan daşlaşdym, hoş meniñ gysgaça yz goýan ömrüm"-iñ soñky aýdan sözleri boldy. Ogulhally MUHAMMEDOWA. | |
|
√ Gara gözli söýgi ýaşaýarka... / hekaýa - 17.01.2024 |
√ Шер аминь / рассказ - 20.01.2024 |
√ Oglanlyk döwrümiň peji / hekaýa - 21.01.2024 |
√ Kitap / nowella - 16.03.2024 |
√ Diriligiň derdi / hekaýa - 12.01.2024 |
√ Başky söýginiñ müşki / hekaýa - 04.01.2024 |
√ Gijeki gapydanyň ýazgylary / hekaýa - 25.01.2024 |
√ Kyrk ýyldan soñ gaýdyp gelen şol aýazly gün / hekaýa - 19.01.2024 |
√ Umyt – bu dem / hekaýa-esse - 26.01.2024 |
√ Ahmyryň awusy / hekaýa - 13.01.2024 |
Teswirleriň ählisi: 5 | |||
| |||