Ýüregme

ÝÜREGME

Seslen ýürek, bu gün zaryñ diñlejek,
Juda agyr düşýär gam-gussañ seniñ,
Menem içim döküp, bir az ýeñlejek,
Güleniñden känmi, aglaýan günüñ?!

Bir wagt meñzäpdiñ gök dury derýa,
Tolkunlaryñ böwetleri böwüsdi,
Ajylary dadyp dolan bu ýürek,
Alyslardan-alyslara öwüsdi.

Nirde galdy, çasly çykýan gülkileñ,
Nirde gopdy, arzuwlardan ganatyñ,
Adamlara şatlyk berip ýylgyrtdyñ,
Neçün düşdiñ, umytly-da ak atyñ,

Pena edip gapdalyña gussany,
Gözlerimem özüñ bilen aglatdyñ.
Bes et,ýaran edin öñki pes-päli,
Ýañy bolan çaga deýin lälikdiñ.

Durmuş öñde, kötel ýollar görmeli,
Olaryñ jogabyn bile çözmeli,
Şol pursat ejizläp aglaýsañ ýene,
Saña mazalyja temmi bermeli!

Ogulhally MUHAMMEDOWA.