23:55 Ýönekeý hakykat | |
Berdinazar Hudaýnazarow
▶ ÝÖNEKEÝ HAKYKAT Bu eýýamda saňa beýik diýmezler Dagyň depesine çykanyň bilen. Ynanyň şahyram bolup bolanok Diňe bir edebi lakamyň bilen. Görgä goýup ýörmän ýakyn-ýadyňy, Özüňjik tap öz ýitiren zadyňy, Il-gün bermez saňa pälwan adyny Özüňden ejizi ýykanyň bilen. Dag däl-dä – bolmasa, dag göňresem bar, Bagşy däl-dä – ýogsam ýetik sesem bar, Bolasy ýok senden Mahmyt Esembaý, Guwdurap bihuda bökeniň bilen. Ullakan däl zady ulaldyp bolmaz, Aýdan-günden bölüp ýyl edip bolmaz, Il-günüň göwresin ýyladyp bolmaz Ýol üstünde tezek ýakanyň bilen. Daş depäňe gaçar ýokaryp atsaň, Yzyňa göz aýla, öňe-de gitseň, Kerwenbaşy bolmaz ahyr her kesden Boýnuna näçe jaň dakanyň bilen. Bir agsagyn ile bildirmez süri, Çopan çaşy bolsa – şol ýaman ýeri, Şunça yhlas edip dökseňem deri – Depizde zat bitmez ekeniň bilen. | |
|
√ Ömrümiñ manysy bolmaly zenan / Goşgular - 05.02.2024 |
√ Rubagylar / Goşgular - 01.01.2024 |
√ Owadan pyçak hakynda erteki / Goşgular - 09.04.2024 |
√ Şemally gün / Goşgular - 27.01.2024 |
√ Suwdan ot çykaran goşgy / Goşgular - 31.01.2024 |
√ Mürze ýigit / Goşgular - 12.03.2024 |
√ Nädip ýaşamaly?! / Goşgular - 13.01.2024 |
√ Moskwadan görýärler / Goşgular - 30.01.2024 |
√ Was-wasylara... / Goşgular - 23.01.2024 |
√ Sumbaryñ kenarynda / Goşgular - 01.01.2024 |
Teswirleriň ählisi: 0 | |