Ýürekdeş gözlegi

ÝÜREKDEŞ GÖZLEGI

Ýadyňdamy, eý köňül heniz kiçidim
O döwürler.
Joralamdan ýüz tapman ýekesirärdim,
Perdeli bolsa-da durmuşyň ýüzi,
Käte gorkunç halda maňa garardy.
Eýýäm şonda ir bolsa-da aňypdym,
Ululykda kynçylygyň köpdügin.
Iň erbedi aňlanmadyk dünýäňi
Ýykyp biljek bir jümlejik gepdigin.
Juda duýguçyldym,sähel ýerliksiz
Jümle ýüregimi ezip bilýärdi.
Bir gez öýkeläňsoň tekepbir köňlüm
Ýakyny ýok saýyp gezip bilýärdiň.
Ýöne soňra içgin-içgin aglardyň,
Howlydaky baglaň goýnuna siňip.
Görseň bolmazdymy nikap dakynan
Durmuşyň hakyky ýüzün ulalyp?!
Bu ýöne çaganyň kinesi däldi,
Ýürekdeş gözleýän kalp perýadydy.
Haýp!

Jümjüme.