Главная » 2022 » Sentýabr » 19 » Alysdaky öýjagaz
16:17

Alysdaky öýjagaz

ALYSDAKY ÖÝJAGAZ

Depäñ eteginde
Öýjagaz otyr.
Her säher geçemde
Uly köçeden
Pessaýja aýdymy
barýarkam diñläp
aýnasyndan
gaty barýan maşynyñ
gözüm düşse
tukat otyran jaýa
göwnüme düşnüksiz
duýgy getiren.
Şol öýjagaz
Del öýjagaz
Öýjagaz.

Uzyn-uzyn derekleriñ içinde
Ak üçegi,ak diwary
Jyklaýar.
Uzaklardan şol
özüne çekip dur.
Tukatja öýjagaz
Ýa ol ýatlamam
Şol öýjagaz
Öýjagaz.

Oña baryp görmek
Höwesim ýok däl.
Ýöne weli
Her gez
bir zatdan gorkýan:
şeýle uzak wagt
Özüne çeken
Syrly görnen
Agras görnen
Öýjagaz
Birden
Boş çykaýsa
Dereksiz bolsa
Öñkiler deý
Çekmän dursa özüne
Näderin men
Men näderin
Näderin
Öýjagaz?!

Iñ gowusy
Alyslardan
synlamak
Arzylanym
Elýetmezim
Öýjagaz!
Категория: Goşgular | Просмотров: 218 | Добавил: Perо | Теги: Meñli Aşyrowa | Рейтинг: 4.0/2
Awtoryň başga makalalary

Goşgular bölümiň başga makalalary

√ Çarwa arabyñ söýgüsi / Goşgular - 10.02.2024
√ Yzany yşkyma ýamag etdim / Goşgular - 15.04.2024
√ Eýdip-beýdip... / edebi ýaňsylama / Goşgular - 12.01.2024
√ Жизнь / Goşgular - 29.02.2024
√ Wiswisi lakamly obadaşymyň ömür beýany / Goşgular - 25.03.2024
√ Täjir tanşyma / Goşgular - 16.01.2024
√ "Diýdiñ: Gelin bolup görkezeýinmi?.." / Goşgular - 14.02.2024
√ Tilki bilen üzüm / basnýa / Goşgular - 10.01.2024
√ Ýolbars we Möjek / basnýa / Goşgular - 05.01.2024
√ Atsyz goşgy / Goşgular - 31.01.2024

Teswirleriň ählisi: 3
0
1 Gumlygelin  
8
Meñli, tüweleme! Goşguda ynam, umyt, kanagat bar...

0
2 mango  
651
Bu goşgy bir zatlary ýada salýa, ýöne anyk bilemok…
Syr saklamak meselesi bar kä bir derejelere çykanlarda. Rowaýat öýdýän, bir gul gündizleri hojaýynyna işläp, gijelerem gizlin ybadat edýän eken. Bur gün hojaýyny buny bilýär we haýran bolup, ony azat edýär. Şonda gul gizlin ybadatym paş boldy, indi syrym galmady… diýen ýaly sözler diýýär. We, bilemok… ölýär öýdýän, ýaşaýşyň manysy ýok diýen ýaly….
Bu rowaýat.
Meňli hanymyň ol syrly jaýa baryp görmäge gorýanlygyna düşünýän.

Oña baryp görmek
Höwesim (bar)
Ýöne… gorkýan:
Syrly
Agras
Öýjagaz
Birden
Boş çykaýsa
Dereksiz bolsa
Näderin men
Men näderin
Näderin
Öýjagaz?!

Iñ gowusy
Alyslardan
synlamak
Arzylanym
Elýetmezim
Öýjagaz!

—-

Üstünlikler Meňli hanym.
Kä zatlar syrly bolsa, syrly galsa kem däl.

0
3 Nurdan  
100
Meñliñ bu goșgusy her năçe syrly bolsa-da juda tanyș duygyny syzdyryar. Ăhli zady bilmek, görmek, içgin tanamak gowudyram, Emma kă bir zady bileniñden bilmedigiñ gowy bolyar. Ynsanda șeyle bir duygy bolyar, , kimdir biriniñ Ya-da nămedir bir zadyñ ajayypdygyna ynanarsyñ, baryp görseñ "dașy jăjek, içi möjek" diyeni bolar.. bu alysdaky, daşyndan göryăn "syrly öyjagazlarymyz" babatda-da şeyle bolup biler.. Ăhli zat daşyndan serédışımız yaly bolman bilejegi bolup bilăyjek, kă halatda ăhli ynamy gaçyryp bilăyjek yagday. Şonuñ üçin kă bir zady yakyndan göreniñden , dașyndan synlanyñ yeg."kă bir syr syrlygyna galsa kem dăl"] diyilse-de, bilmăn albaya gol bulap gideniñden bilip yza teseniñ gowumyka?! Bilmedim..

Teswiri diňe saýta agza bolan ulanjylar goşup bilýär.
[ Agza bol | Saýta gir ]