Aýralygyň dilegi

AÝRALYGYŇ DILEGI

Öziň aýralyga gaty jan cekdiň,
Menem saklamadym, alan badyňy.
Ýöne bil!
Unutjak bolsaňda her gün,
Ýüregiň gaýtalar-durar adymy.

Gaýtalamakdan ýadamaz ýüregiň,
Ony ikimizem bilýäs şübhesiz.
Umytlarym pytrap gitdi çar ýana,
Arzuwlarym süpürildi sübsesiz.

Her gün seni hyýalymda besläpdim...
Her gün toý edipdim, (gör, neneňsi bagt!)
Emma ykbal özgelere nesibe,
Bolarys aýry öý,
Aýry bir daragt.

Hawa, şeýdip, bolarys aýry daragt...
Özgä nesip eder, ajap dideler.
Her näme bolsa-da şuny dileýän,
Bagtyň bolsun!
Bolsun ajap miweler!

Ylham GURBANALYÝEW.