Düşünişmek

DÜŞÜNIŞMEK

(He-he)
Aklym,
Aýlanaýda aklyña!
(Toba Tagsyr!)
Tazygypdyr tersligiñ!
Duşduñmy ýa
Orramsynyn akymyna!
(Düşünemok, bilmändirin tersdigiñ)

Ne döw çaldy,
Ne belaga uçradyñ!?
Gaharyñ ýarylyp çykjak gözüñden,
Gabanjañlyk ýokdy sende düýnjigem!?
Bal deregne zäher damýar sözüñden!

Şadyýan bolşuñdan galmandyr nyşan,
Belki-de, turşy limon dadansyñ?
Gaşlaryña rehmiñ gelsin azajyk
Görküñem üýtgäpdir öñki kadañdan.

Gabanma!
Setirlem-pikir öwürme,
Bagyş edemok men kimdir birine
Ýylgyr çala
Ýazyñ gyşa öwürme!
Gahar gelişenok seniñ señrigñe,
Bile bolaly çagalara görelde!
Ikimiz üçinem wajyp ýörelge!

© Remezan MÄMETGURBANOW.