Главная » 2023 » Noýabr » 14 » Eliñdedir
02:49

Eliñdedir

ELIŇDEDIR

Şükürüm kän, keremiňe, eý, Allam,
ykbala nur çaýýan ýaz eliňdedir.
Ömür günler bilen atyp ýör hallan,
emma, soňra galjak yz eliňdedir.

Bilmän galýan niçik duşumdan geçdi,
günler bir-birine şeýle bir gysby,
gursaga guýupsyň egsilmez yşgy,
körügin köretjek köz eliňdedir.

Aýdyň,
nirde yşkdan ýüzün sowan bar?!
Mähre – ýatlar ýakyn,
dostlar dogan bo:r.
Köp atsaň şor,
az atsaňam ýuwan bo:r,
ömre tagam berjek duz eliňdedir.

Öwütdir şü,
görelde şü pederden,
gahryn ýuwdan – iň ullakan edermen.
Haýsy ýana sürseň, şoňa gidermen,
ykbalyň jylawy ÖZ eliňdedir.

Aşyrmat GARLY.
Goşgular
Категория: Goşgular | Просмотров: 313 | Добавил: Haweran | Теги: Aşyrmät Garly | Рейтинг: 4.8/4
Awtoryň başga makalalary

Goşgular bölümiň başga makalalary

√ "Ýene-de daň atdy..." / Goşgular - 01.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Ýaraly ýüregiň owazy / Goşgular - 22.01.2025
√ Men bir ýola... / Goşgular - 12.01.2025
√ Eýledi ýar meni dert ile awara, medet... / Goşgular - 12.01.2025
√ Ýagşy niýetler / Goşgular - 08.01.2025
√ Lolular / Goşgular - 08.01.2025
√ Dostum, arz et jemalyň, janymyz bolsun fereh... / Goşgular - 04.01.2025

Teswirleriň ählisi: 2
0
1 Garayolly25  
1449
Aşyrmat Garlynyň "Eliňdedir" atly bu goşgysy "Şükürim kän keremiňe, eý, Allam! "diyen setir bilen başlanýar we şu setirdäki mažmunyň hörpi bilenem şygyr tamama gelýär. "Biri-birine şeýle gysby günler" ynsan ömrüni öňe tarap alyp barýar. Şol ömür ýolunyň dowamynda öz erkli halda öz ykbslyňa özüň eýelik etmäge synanyşsaň durmuş-ýaşsýyşda kän säwliklere duş gelmegiň ahmal. Ol säwlikleri garanebs, gahar, gyssanmaçlyk... döredýär. Emma, adam Beýik Ýaradana ygrarly bolup, "ykbalyň jylawyny onuň eline berip" ýaşasa, "haýsy ýana sürse şoňa ýönelse" ynsanyň hemrasy Beýik Allatagala bolar. Sabyr-takat, kanagatlylyk, haýyr bilen öz magsadyna ýeter, işleri hemişe rowaç bolar. "Pederlerden öwüt, görelde bolan" bu zatlar adamzada, Hakyň emri bilen, ýagşy günleriň saýasyny salyp durar.

0
2 Garadag  
128
Klassik formaly gowy goşgy bolupdyr.
Halypa saglyk dileýäs!

Teswiri diňe saýta agza bolan ulanjylar goşup bilýär.
[ Agza bol | Saýta gir ]