Главная » 2018 » Oktýabr » 16 » Eneme
15:53

Eneme

ENEME

Aglap-eňräp, uly dünýä gelemde,
Ene mähri bilen diňdirdiň meni.
Dilsizdim, derdimi gözümden aňlap,
Halal ak süýt bilen emdirdiň meni.

Ine, indi başym aman, janym sag,
Uzadan ýerime ýetip dur elim.
Ýöne şol gazanan ýüz müň zadymyň
Togsan dokuz müňün sen berdiň, enem!

Ak gar büräninde ýeriň ýüzüni,
Çapgyn şemal eger doňdursa tenim,
Derdimiň dermanyn daşdan gözlemen,
Derdimiň dermany-seň mähriň, enem.

Ýazda ýaz şemaly öwsüp bir ýana,
Ykjatsa al başly güläleklerin,
Ýaz ýaza meňzemez, gül bolsa güle,
Gelmese olara seň rehmiň, enem.

Uzak menzillere gadam basamda
Kalbymda öçmejek dileg bar, enem:
Goý, sen-ä uýansyz ata atlanma,
Şol atyň aýagy bolmaýyn menem!

24.12.2017.
Goşgular
Категория: Goşgular | Просмотров: 676 | Добавил: Maksat | Теги: Maksat Seýitliýew | Рейтинг: 2.0/2
Awtoryň başga makalalary

Goşgular bölümiň başga makalalary

√ Hatty benewşe, haddy läle, zülpi reýhandyr... / Goşgular - 12.01.2025
√ Rubagylar / Goşgular - 10.01.2025
√ Kowusnama: Bedew edinmek hakynda / Goşgular - 12.01.2025
√ Men bir ýola... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Şaglawuk / Goşgular - 02.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Lolular / Goşgular - 08.01.2025
√ Aramyzdan gidenleri ýatlalyñ! / Goşgular - 12.01.2025

Teswirleriň ählisi: 7
0
1 Oguzhan_aga  
65
"Aglap-eňräp uly dünýä gelemde,
Ene mähri bilen diňdirdiň meni" -şu ýerde ynsanyň dünýä inmekligini göz öňünde tutan bolsaň (men şeýle düşündim) bu ýerini "agap eňräp bu dünýäge gelmsoň" diýilse ylaýyk boljak ýaly. Ýogsam bu dünýäden başga bir uly dünýä bardygyny hiç kim bilmez. Tüweleme iki goşgyňda özüňi tanatdyň. Gaty ýerine düşen zat, höwri köp bolsun.

0
2 Maksat  
70
Köp-köp sag boluň halypa!

0
3 Oguzhan_aga  
65
Hezreti ymam agzam rahmahulla sägirtlerine sapak berýän wagty garşy ýerinden turýa we oturýa. Seýdipgaýtalanyp durka şägirtlerden birisi "ýa ustad näme sebäpden beýdip dursuňuz" diýip soraýa. Hezretleri: daşarda top oýnaýan çagalar bar, olaryň topy şu penjiräň golaýyna gekende bir ogkanjyk almaga gelýä, şol oglan meň ustadymyň ogly şoň hormatyna ýerimden turýan" diýýä. Ol ustadym diýýäni bir çopan adam eken. Hezretleri ondan itiň näçe wagtdan bir ýaşaýanyny öwrenipdir. Maksat seňkem şoňa bardy (bizde halypalyk bolarmy).

Iki sözüň başyn çatyp bilemok goşup,
Köp oturýan, pikirlenýän başarmaýan joşup,
Kä wagt bir teswir ýazýan illere,
Ondada aňry geçmeýän, hetden aşyp.

0
4 Maksat  
70
Agam, men durmuş ýolundan ýörejek bolsam barybir siziň aýak yzlaryňyza basmaly bolaryn, sebäp siz bu ýoldan öň ýöräp görüpdiňiz!

Dogry, kyn ekeni bu düşen ýolum,
Ýöne başym burup, gaýtmaryn yza.
Maňa ýol görkezen uly-kiçiniň
Öňünde ebedi çökerin dyza.

0
5 Garaýolly  
27
Ene baradaky goşgylar zehin eleginden geçse has hem ajaýyp bolýan eken. Şahyr goşgyny mukaddes ene hskdaky şirin kelamaýugrup,tebigi görnüşde beýan edipdir.Şygyrda perzendiň enä bolan minnetdar garaýşy ajap teswirlenipdir.Höwri köp bolsun!

0
6 Maksat  
70
Eden arzuwlaryňyz iki esse bolup, özüňize miýesser etsin!

0
7 Oguzhan_aga  
65
Çökmek gerek däldir Maksat dyza,
Kynçylyklar köp çykar, gaýtmagyn yza,
Öz işiňe berk ýapyş, ýatlama bizi
Şu eden hormatyňam ýeterlik bize.

Teswiri diňe saýta agza bolan ulanjylar goşup bilýär.
[ Agza bol | Saýta gir ]