G.Ezizowa

G.EZIZOWA

Sen sarap ýatyrsyň barmagňa ýuwa,
Düşegi toprakdan, ýaş maýsa sensiň.
Asmanyň manysyn, dünýäniň syryn
Bilip barýan durnalaryň biri sen.

Sen dünýäniň daragtynyň ýapragy,
Garylypsyň dünýäň baky sazyna.
Deňiz bolup güwwüldäp sen, güňläp sen,
Goşuldyň baldaklaň ýaş owazyna.

Ýazdyň köňüllere belent aýdymy,
"Aglap geçen durnaň pelleri bile".
Minnetdar biz, näzik duýgulaň üçin
Açdyň ýürekdäki syrlaryň bize.

Keýpimiz erbet däl! Bar bizde bir tap!
Gezip ýörüs. Hawa, başlarymyzam jem!
Gök öwüsýän otlaň ýüzüne garap,
Sendigiň bilýäris hemmejämiz hem...

1982 ý.

Orazmyrat TÜÝLIÝEW.