Göni garap gözlerine

GÖNI GARAP GÖZLERINE

Söz aýtjakdym, söwer ýara,
Göni garap, gözlerine.
Gelen wagtym, bir karara,
Dilim badak, sözlerime.

Mertebesi hoş laýyk söz,
Tapjak boldum, görüp dur göz,
Has, beýgeldi ýene, bir gez,
Lowlap, ýandym közlerine.

Kirpikleri jan alyjy,
Gabak – galkan, gaş – gylyjy,
Тоrа saldy, men nalajy,
Timar berip, özlerine.

Gözleri meňzär ummana,
Gulaçlap ýüzdüm hamana,
Duçar boldum, şol zamana,
Seýran etdim, düzlerine.

Arzuwlarym ele aldym,
Hyýalymda, bile boldum,
Hyjuwlandym, heýjanlandym,
Eräp, akdym näzlerine.

Peýwagtyma ýeňil gopdum,
Göýä, yşka derman tapdym,
Al howadan ýolup gapdym,
Garaşmadym, çözlerine.

Özüm, yşkyma dözmedim,
Arkaýyn, rahat gezmedim,
Dänip, umydym üzmedim,
Dagyn goýdy, ýüz ýerime.

Ýar gözüniň buýsanjy bar,
Gyýa baksam, göwni ynjar,
Her günsaýy, yşky möwjär,
Hiç, gezmedim öz serime.

Illi aýdar, Ýa-Ýaradan ,
Çäresiz, bakýan gyradan,
Ençe wagt geçdi aradan,
Men bakmaýan, özgelerne.