Главная » 2024 » Dekabr » 6 » "Göwnüňiz çökdümi eselersiňiz..."
01:23

"Göwnüňiz çökdümi eselersiňiz..."


Üç ýüz altmyş öwlüýäleri ikinji käbedir. Oňa üç gezek zyýarat edeniň bir hajy sogaby bardyr.
Müjewürüň aýdany.

Göwnüňiz çökdümi eselersiňiz,
Göwnüňiz ösdümi peselersiňiz,
Derdi-azarlarňyz kemeler siziň,
Zyýarat ediň.

Kän mertlere pata beren erenler,
Horezmin ýurduny saklap durandyr,
Dilegler dergähe golaý barýandyr,
Zyýarat ediň.

Aýakgabyň çykar işikden ätläp,
Atalaryň ruhy kalbyňyz päklär,
Hajy bolan bilen barabarrakdyr,
Zyýarat ediň.

Guburlaň öňünde dyzyňa çöküp,
Ötenleri ýatla, bir aýat oka,
...Özüňi tanarsyň yzyňa bakyp,
Zyýarat ediň.

Uzyn azan çekip beýik münberden,
Azançy namaza çagyrar irden.
Belki, size hümmet ýeter pirlerden,
Zyýarat ediň.

Şöhrat ABDYÝEW.
Goşgular
Категория: Goşgular | Просмотров: 262 | Добавил: Moderator | Теги: Şöhrat Abdyýew | Рейтинг: 4.0/2
Awtoryň başga makalalary

Goşgular bölümiň başga makalalary

√ Ýar laglyň arzuwlar men, jana bereý sen şypa... / Goşgular - 06.01.2025
√ Şaglawuk / Goşgular - 02.01.2025
√ Lolular / Goşgular - 08.01.2025
√ Dünýä maňa aşyk bolsun! / Goşgular - 07.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Rubagylar / Goşgular - 10.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ "Ýene-de daň atdy..." / Goşgular - 01.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Ýagşy niýetler / Goşgular - 08.01.2025

Teswirleriň ählisi: 3
0
1 Demirgazykly  
1528
Näme diýeýin... Goşgy durşyna Hudaýa şirk ýetirip ýazylan.

0
2 Garadag  
128
Näme etmekden Hudaý saklasyn diýen ýaly, näme diýmekdenem saklasyn. Şu goşgyny Şöhrat aganyň ozi ugradýan bolsa-ha ýaşulydan göwnüm geçdi. Köneürgenç hakda ýazylan reklama goşgy ýaly bolupdyr.
Ylaýta-da Demirgazyklynyň belleýşi biçem däl, dogry 360 kän pirleriň äramgähini özünde saklaýan mesgen, emma şol pir-ulamalar ilkinji nobatda beýik Alla iň ýakyn bolan, takwa adamlar. Diýjegim Ýaradan Alla bilen baglanyşykly bir jümle hem ýok.
Goşguda kapyýany sazlamak üçin söz uzaldylan ýerler göze ilýär.
Bellik:
1.Göwün çöküp bilýä, ösüp bilýärmikä?!
2. Derdi-azar kemelmegi, bu ýerde ruhy azaplar barada gürrüň gidýärmi, ýa hakykatdanam 360 pirler ylym we medisina tarapyndan tassyklanan bejeriş güýjüne eýesi?!
3. Häzirki wagtda biziň ýurdumyzda "Horezmin ýurdy" diýen territorial birlik ýok, goňşy Özbegistanda Horezm welaýaty bar.
Men 3 däne bellik etdim. Şöhrat Abdyýew tanymal ýazyjy, biz ony öz ýaşulymyz hasaplap hormat goýýarys. Gyssagara ýazgylarymyz üçin öňünden ötünç soraýarys.
Galamlar ýiti bolubersin!

0
3 Zöhre  
1396
Men müjewüriñ aýdanlaryna geñ galdym. Bular ýaly zady aýtmak üçin Kurana we Sünnete esaslanmaly, Hadyslara salgylanmaly.
Müjewür aga muny nämä esaslanyp aýtdyka? Dinde ýok zady soñ özüñden goşmaga bidgat diýilýär. Allahym bizi şirkden we bidgatdan gorasyn.

Teswiri diňe saýta agza bolan ulanjylar goşup bilýär.
[ Agza bol | Saýta gir ]