Sil

SIL

Sil çyrpyndy bolup birden elem-tas,
Çykyp gaýtdy sygman daglaň göwsüne.
Adaty suwlara meňzänokdy ol,
Topulýardy depelere owsuna.

Hiç bir zada asla boýun egmedi,
Gaýta beýiklere özüni urdy.
Bu daglaň etegi dogulyp-döräp,
Heniz gören däldir şu hili derdi.

Az wagtlyk dolup-daşdy, gaýnady,
Däli-porhan bolup,
Birdenem ýatdy.
Silleriň gylygyn halamasam-da,
Nämädir bir zada gözlerim gitdi.

Şöhrat ABDYÝEW.