Hülgendiñ wesýeti

HÜLGENDIÑ WESÝETI

Aýdym aýdyp ýürek syryny açmak,
Öñýetene berilmändir alma dek
Özgeleriñ aýak astyna gaçmak.

Hergiz unutmañ siz şu beýik pendin
Ýuka ýürek hem garagol hülgendiñ.

Ýalyn ýaly saçlarymy görýäñiz!
Men beýnimi ýakyp çykýan ýollara.
Boş kelläñiz hem ýüreksiz göwräñiz
Görkezesim gelip ulus-illere.
Men halaýan siziñ gargyş daşyñyz
Ýyldyrym dek ursa, doly dek ýagsa.
Gollarym daldalap ýeke başymy
Goraýan, bu çaka ölmeli ýogsa.

Şonda ýatlamalar tesellim meniñ,
Oba, kölçe daşy ümürsäp duran.
Ol ýerde ýaşaýar atamdyr enem,
Şygrym, gara şaýy hasaplap ýören.
Birisi men olañ iki gözüniñ,
Ýagmyry, ýaýlasy, gögünde ülker.
Eşitseler diýýän ýeke sözüñiz
Gelip, çarşak bilen garnyñyz silker.

Gara zähmet gözüñ açyp göreniñ,
Görk-görmekden gaçan, eý, daýhan pahyr!
Henizem çyndan
Arwahdan-jyndan,
Tañryñ gudratyndan gorkup ýöreniñ
Gelip meñ bagryma sanjylýar ahyr.
Neneñ gyýylmaýyn señ halyña men,
Sen-ä ýelden-guzdan gorap ösdüren.
Duzuñ, yhlasyñdyr - ýok oña jedel,
Meni Russiýañ belli şahyry eden.
Siz dälmi, kökenek bolan daşymda
Lüýge, suwa taýçanak deý towsamda.
Indi meniñ jam papak bar başymda,
Ýüzüñiz görüner geýýän köwşümde.

Öñküligim, üýtgetsem-de eşigmi,
Merkez melgunlarna tabyn bolamok.
Et dükan agzynda sygryñ keşbini
Görsem, tagzym etmän geçip bilemok.
Köçede paýtuna duşan wagtlam
Ýatlaýan ders ysyn ekinzarlygyñ.
Ýüze sylsam diýýän guýrugyn atlañ
Sylan ýaly mukaddes toý ýaglygyn.

Bu eziz watany
Jan-dilden söýdüm!
Onda gam bolsa-da posy deý söwdüñ.
Bir näzik kesel bar garagol serde;
Olam çagalygym ýatlamak derdi.
Düýşe girýär obañ ýagmyry-ýazy,
Mukam maña gurbagalañ owazy.
Hapa görmän gaýta halaýar göwün
Doñuzlañ çyr-çyrşak, sürpek temegin.
Obam, nanyñ datly, suwlaryñ tereñ!
Señ ornuñ tutjak ýok, eý, ene mekan.

Şindem gapymyzda çommalyp zereñ
Şapagyñ oduna çoýunýarmykan?
Kän ogurlandyryn ýaş wagty başym
Höwürtgeden gargañ ýumurtgalaryn.
Henizem zereñim ýaşylmy başyñ,
Ýatdamy ýyrtanlañ köýnek-balagym?

Meniñ eziz görýän
Ala köpegim,
Garrap kör bolduñmy?!
Barýanyñ niräk
Bilmän, çyñsap ýörmiñ, tapman ketegiñ
Tüýleri bürmeli guýrugyñ süýräp?
Ýatlamak ýakymly maña henizem,
Köpegim, syrdaşym, meniñ ezizim:
Döwüm çörek ogurlasam ejemden,
Señ ýanyña ylgap gelenim-de men
Dişlärdiñ ilki sen,
Soñra bolsa men
Şeýdip bir-biregiñ hakyny iýmän,
Bir-bire sen ynsan,
Sen haýwan diýmän,
Gezek gezegine salardyk agyz,
Rysgymyzy şeýdip böleşerdik biz.

Öñküligim, obaly däl bir kemim,
Öñküligi keşbim, sözlerim meniñ.
Çowdaryñ içinde mawy gül kimin,
Saryýagyz ýüzde gözlerim meniñ.
Altyn boýra ýaly goşgulam kileñ
Ýazyp aýagñyzyñ astyna siziñ:
Diýmekçi bolýaryn ýüregim bilen
Belki, soñky gezek aýtjak sözüm.

Goý, rahat bolsun siziñ gijäñiz!
Parahat ýumulsyn siziñ didäñiz!
Iñrik çagy urlan çalgynyñ sesi...
Dildi al şapagy, ordy höwesi.
Men şu gün bir zady isleýän gaty
Penjireden aýy. . . . . . . .
Dünýe göm-gök, bu görnüşde ýoluñy
Başgalap,
ölmegem haýyp däl eken.
Ýa men indi bir bihaýa ýalymy,
Ile peçan bolup o ýola çykan!?
Eý, meñ Ylham atym, -
ardurja garran
Bir meñ üçin däldi señ ýumşak ýorgañ!
Nesip etdi seni ulanmak sähel.
Ýa-ha ir,
Ýa-da giç,
Garaz bimahal:
Bar nepis duýgyny ýygnap dahana,
Ýowuz ussat bolup indim jahana
Men bagtygara...
Magtap, şan bermäge alakalara.
Ýogsa kalbym güýzdi,
Ýüregim sapdy,
Sary saçlam köpürjüklän şerapdy.

Azalypdyr rysgym - çöregim, suwum,
Galypdyr köñülde birje arzuwym.
Ýelken bolsam, tutup döşümi ýele
Eltsem sizi ýetilmeli menzile.

Sergeý ÝESENIN.

Terjime eden: Ahmet GURBANNEPESOW.

* * *

• ИСПОВЕДЬ ХУЛИГАНА

Не каждый умеет петь,
Не каждому дано яблоком
Падать к чужим ногам.

Сие есть самая великая исповедь,
Которой исповедуется хулиган.

Я нарочно иду нечесаным,
С головой, как керосиновая лампа, на плечах.
Ваших душ безлиственную осень
Мне нравится в потемках освещать.
Мне нравится, когда каменья брани
Летят в меня, как град рыгающей грозы,
Я только крепче жму тогда руками
Моих волос качнувшийся пузырь.

Так хорошо тогда мне вспоминать
Заросший пруд и хриплый звон ольхи,
Что где-то у меня живут отец и мать,
Которым наплевать на все мои стихи,
Которым дорог я, как поле и как плоть,
Как дождик, что весной взрыхляет зеленя.
Они бы вилами пришли вас заколоть
За каждый крик ваш, брошенный в меня.

Бедные, бедные крестьяне!
Вы, наверно, стали некрасивыми,
Так же боитесь бога и болотных недр.
О, если б вы понимали,
Что сын ваш в России
Самый лучший поэт!
Вы ль за жизнь его сердцем не индевели,
Когда босые ноги он в лужах осенних макал?
А теперь он ходит в цилиндре
И лакированных башмаках.

Но живёт в нём задор прежней вправки
Деревенского озорника.
Каждой корове с вывески мясной лавки
Он кланяется издалека.
И, встречаясь с извозчиками на площади,
Вспоминая запах навоза с родных полей,
Он готов нести хвост каждой лошади,
Как венчального платья шлейф.

Я люблю родину.
Я очень люблю родину!
Хоть есть в ней грусти ивовая ржавь.
Приятны мне свиней испачканные морды
И в тишине ночной звенящий голос жаб.
Я нежно болен вспоминаньем детства,
Апрельских вечеров мне снится хмарь и сырь.
Как будто бы на корточки погреться
Присел наш клен перед костром зари.
О, сколько я на нем яиц из гнезд вороньих,
Карабкаясь по сучьям, воровал!
Все тот же ль он теперь, с верхушкою зеленой?
По-прежнему ль крепка его кора?

А ты, любимый,
Верный пегий пес?!
От старости ты стал визглив и слеп
И бродишь по двору, влача обвисший хвост,
Забыв чутьем, где двери и где хлев.
О, как мне дороги все те проказы,
Когда, у матери стянув краюху хлеба,
Кусали мы с тобой ее по разу,
Ни капельки друг другом не погребав.

Я все такой же.
Сердцем я все такой же.
Как васильки во ржи, цветут в лице глаза.
Стеля стихов злаченые рогожи,
Мне хочется вам нежное сказать.

Спокойной ночи!
Всем вам спокойной ночи!
Отзвенела по траве сумерек зари коса...
Мне сегодня хочется очень
Из окошка луну............

Синий свет, свет такой синий!
В эту синь даже умереть не жаль.
Ну так что ж, что кажусь я циником,
Прицепившим к заднице фонарь!
Старый, добрый, заезженный Пегас,
Мне ль нужна твоя мягкая рысь?
Я пришел, как суровый мастер,
Воспеть и прославить крыс.
Башка моя, словно август,
Льется бурливых волос вином.

Я хочу быть желтым парусом
В ту страну, куда мы плывём.

Сергей ЕСЕНИН.