Kitap

KITAP

Kitapda niçeme adam ýaşaýar,
Olar gülüp aglaýarlar, diñýärler,
Kitapda niçeme adam ýaşaýar,
Ömür sürüp, gara ýere siñýärler.

Kitapda niçeme adam ýaşaýar,
Niçeleri söýgüsine wepasyz.
Niçeme betbagt, niçe bagtly,
Ömür sürýär, sapaly hem sapasyz.

Kitapda han-begler, ahun, mollalar...
Ýaşaýar halk, ýaşaýar halk merdany.
Şonuñ üçin harlamañ siz kitaby,
Kitap bir milletiñ, bir halkyñ jany.

Kagyzlar otlanýar, jan otlanmaýa,
Jan otlanman uçup gidýär asmana.
Şoñ üçin kitaby harlamañ hergiz,
Mundan bela-beter inýär ynsana...

Allaýar ÇÜRIÝEW.