Liwanda şu pursat kyýamat gopýar

LIWANDA ŞU PURSAT KYÝAMAT GOPÝAR

BMG-niň Baş sekretary Antoniu Guterrişiň liwan meselesi boýunça ýygnakda eden çykyşynda aýdan ilkinji jümlesi: "Liwanda şu pursat kyýamat gopýar".

Ýaşaýyşy eýläp ýer bilen ýegsan,
Gör ynsan ynsanyň ganyny dökýär,
Asmanam zeminem eýleýär lerzan,
Liwanda şu pursat kyýamat gopýar.

Beton binalaryň süýr depesinden,
Agyr bombalary gaýgyrman oklap,
Bigünäleň tepbedin okasaň-da,
Beýik döwletlerem bilenok gepläp.

Geplemek nirede, açanok agzyn,
Gaýta her birisi gulagyn dykýar.
Bir ýyldyr gan gusýar bigünä Gaza
A indi Liwanda kyýamat gopýar.

Bir ýyldyr bu ýerler ýas lybas geýdi,
Adamlaň köňlüne garaňky çökýär.
Dogry aýdýaň BMG-niň Baş reýsi,
Liwanda şu pursat kyýamat gopýar.

Isgender MÄLIK.

26.09.2024 ý.