Главная » 2023 » Ýanwar » 4 » Mysapyryñ küýleri
00:58

Mysapyryñ küýleri

MYSAPYRYÑ KÜÝLERI

Kän mahal dyman ummanyñ,
Şükür et, lal açmanyna.
Bilýäñmi neçüýn dymýanym,
Mynajat ol asmanyma.

Bar zatdan gözledim Seni.
Endik her zada añalmak.
Ýaradan özüñ jan-tenim,
Diýsemem bordy Enel-Hak.

Barlygym saña gurbandyr,
Älemiñ ähli ýerinden,
Ýanymda ýaly görýänsiñ,
Bilýäñ, ne geçýär serimden.

Kän mahal dyman ummanyñ,
Gudratyn gördi bu ruhum.
Biz günä bahryna çümen,
Lutfuña sataşdyk nädip?!

* * *

Men ýazmaga zat tapamok,
Nirde sen eý galam gaş?
Hem ýanmaga ot tapamok,
Gözlerde ýok ýalan ýaş.

Öñümde garañky gije,
Bu ýollarda ýalñyz özüm.
Meni öz dertlerim iýjek,
Gijaniñ bir wagty örüp.

Haýsy akly uzyn aýtdy:
Uzyn saçlyñ akly kelte.
Men zülpüñ yzlap gaytdym,
Ahyr meni Haka elten.

Assarly gep ýokdur mende,
Ýar diýip, Biribar diýip.
Yşk ýürekde, galam golda,
Ýola düşýän hyrka geýip.

Sen meni ýaksañ ýakyber,
Anyk ýanjagma ynanýan.
Dowzahda ýansamam barybir,
Men Hakyñ yşgynda ýanýan.

31.12. 2022. Moskwa.

Sylapberdi MUHAMOW.
Goşgular
Категория: Goşgular | Просмотров: 412 | Добавил: sylapberdimuhamov | Теги: Sylapberdi Muhamow | Рейтинг: 5.0/2
Awtoryň başga makalalary

Goşgular bölümiň başga makalalary

√ Şaglawuk / Goşgular - 02.01.2025
√ Men bir ýola... / Goşgular - 12.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Kowusnama: Bedew edinmek hakynda / Goşgular - 12.01.2025
√ Aramyzdan gidenleri ýatlalyñ! / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ "Ýene-de daň atdy..." / Goşgular - 01.01.2025
√ Eýledi ýar meni dert ile awara, medet... / Goşgular - 12.01.2025

Teswirleriň ählisi: 5
0
1 Garayolly25  
1449
"Kän mahal dyman ummanyň asmana mynajat eýleýän" iki goşgysy meni gaty begendirdi. Şahyryñ birinji goşgysyndaky
"Bar zatdan gözledim seni, Endik her zada añalmak. Ÿaradan ozuñ jan-tenim, diysemem bordy Enel-Hak" diyen setirlerde şahyr Enel-Hak sozuni ulanyar. ( Enel-Hak-men Huday, Huday meniñ sūññūmde ýerleşen manysynda) Şahyr bu yerde Beyik Yaradana bolan ynanjyna dayanyar. Ol Hudsyy oz icinde hasaplap, daşardaky Biribary ret etmekden yuz-muñ keren daşda. Şahyryñ liriki gahrymany yagny mysapyr Haka bolan ynanjyndan ÿol yasap, Biribar dergahine yetmek arzuwynda. Emma, goşgynyñ gahrymanyniñ "Biz guna bahryna (deñzine) çumen, Lutuña sataşjak nadip" diyip, naumytlyga berilayan pursatlaram bar. Goşgy gowy. Sufistik mazmun. Ikinli goşgy birinji goşgiñ goniden goni dowamy bolupdyr. Yagny ilkinji mazmuny osduryar. Höwri kop bolsun, Sylapberdi şahyr.

0
2 Gurgencli  
324
Diňe ajaýyp goşgy diýip oňaýmasam @Garayolly25, aganyňky ýaly teswir ýazmakdan ejiz gelýän:)

0
3 Gurgencli  
324
"Assarly gep ýokdur mende…)
Şu ýerdäki"assar" sözi "ýalan" diýmek bolýarmyka?
Sözlükden assar sözüni tapyp bilmedim.

0
4 Gurgencli  
324
Adatça ýalan gürlemeýändigiňe ynandyrmak üçin "ýalan ýok gepimde" diýilýär.

0
5 Garayolly25  
1449
"Assarly gep ýokdur mende".
"Assar" - buiçliklemek, geýmiň içinden tikilýän içlik. Ýagny, iki gatlyk. Şahyr bu aňlatmany "Beýik Ýaradana bolan ynanjymda ikilik ýok" manysynda ulanypdyr.

Teswiri diňe saýta agza bolan ulanjylar goşup bilýär.
[ Agza bol | Saýta gir ]