Şygyr ýazylmaýar, dogrulýar ahyr

ŞYGYR ÝAZYLMAÝAR, DOGRULÝAR AHYR

Baý-ba bat alyp, şeýle bir gürleýä,
Bäş-on ýyldan näme ýazjagy hakda.
Diýýär: “Eser ýazdym çeperden çeper,
Sözde üç-dört towşan urýan bir okda”.

Köp zat aýtdy, eýesi deý bar sözleň,
Söz mülkünden döredipdir erem bag.
Şygyrlary dilden-dile geçýärmiş,
Göýä döwre zehin bolup duran dag.

Ýazybam berýärmiş biraz emleseň,
Ynha, dünýäň diregi dek bir şahyr.
Ýöne bu syr hak şahyra aýandyr,
Şygyr ýazylmaýar, dogrulýar ahyr.

Döwletmyrat ÝAZKULYÝEW.