07:12 Symrug guşum | |
SYMRUG GUŞUM
Seret, Pegas uçup barýar, Merany-da uçup barýar, Otdan-suwdan, gaý-tupandan, aý-ýyllardan geçip bar, Arzym saňa, çaň-tozanda galdyrmanka deňim-duşum, Äkit menem alyslara Symrug guşum, Symrug guşum. Şol bir heňi, şol bir sözi baky bellän toty deýin. Şol bir duran ýerim peşäp, besdir, ýüzüm gyzdyrmaýyn. Besdir irdim men onsuzam gybatlardan, töhmetlerden, Soňy gelmez. jedellerden hem manysyz söhbetlerden. Şoň üçunem hemra bolup bu gün ýüzläp hyýallara, Çykdym öýden gözüm gidip uzap ýatan şa ýollara. Hasap däldir bir nokada sakçy bolup ýaşan ýaşym, Äkit menem alyslara Symrug guşum, Symrug guşum. Köpetdagyň çeşmesinden, Garagumuň güllerinden. Pata aldym, müňläp waka şaýat bolan pellerimden. Heran-haçan ejizlesem bolar diýip em derdime, Il-halkymyň arzuwynam ýükledim, gör, gerdenime. Ýaýyber sen ganatlarňy, bek ýapyşyp oturaýyn Topragymyň owazyny uzaklara ýetireýin, Ýagşy niýet, ýagşy arzuw bolsun ýolda, goý syrdaşym, Äkit meni alyslara Symrug guşum, Symrug guşum! Göripleriň goly uzap meň öňümi tutmaz ýaly, Lemmer-lemmer bulutlaryň depesinden salgyn ýoly. Kasam edýän aýaza-da, tomsuň ýakýan oduna-da. Döz gelerin, döz gelerin uçuber sen ýadama-da. Kasam edýän belentligiň syrlaryny öwrenerin, Bardy-geldi ýykylsamam sansyz damja öwrülerin Soň ýagaryn ýagyş bolup, alkyş aýdar döwürdeşim, Äkit meni alyslara Symrug guşum, Symrug guşum. Italmaz NURYÝEW. | |
|
√ Lenç edilen nakyl / Goşgular - 05.02.2024 |
√ Iman ogrusy / Goşgular - 03.06.2024 |
√ Suwdan ot çykaran goşgy / Goşgular - 31.01.2024 |
√ Mähremlikden nyşan sen... / Goşgular - 08.05.2024 |
√ Ilim ajap / Goşgular - 31.05.2024 |
√ Göreş / Goşgular - 11.02.2024 |
√ Är garrar... / Goşgular - 30.04.2024 |
√ Siziñki / Goşgular - 30.01.2024 |
√ Gözden akan ýaşlaryma / Goşgular - 29.05.2024 |
√ Жизнь / Goşgular - 29.02.2024 |
Teswirleriň ählisi: 2 | |
| |