Üçlemeler

ÜÇLEMELER

Karamlyga ýol ýok, dogan, bu kärde,
Çyra bolsañ, senem goýar adamlar,
Iñ bolmanda özlerinden ýokarda.

* * *

Tebigat, sen juda yzda:
Akylly gyzda görmek ýok -
Akyl ýok görmekli gyzda.

* * *

Haýal ýazýan galam tapmaly biz hem.
Gadymkylar ýelek bilen ýazansoñ,
Oýlanmaga wagty bolandyr, belkem.

* * *

Iş edende et hepbeli:
Pyşbaga jaýa mätäç däl.
Çünki dogulýar kepbeli.

* * *

Läläm, maña beren sowalyñ ýeser.
Od-a öçýär odun oklap durmasañ,
Zol goldap durmasañ, söýgi-de öçer.

Italmaz AKMYRADOW.