08:10 Ýeri, sen şol gyza meňzäýmelimi? | |
|
ÝERI, SEN ŞOL GYZA MEŇZÄÝMELIMI?
Goşgular
 Ak ýüzüňde halyň näme diýsene, Ýeri, sen şol gyza meňzäýmelimi?! Öň göwün az aldanýarmy diýsene, Ýeri, sen şol gyza meňzäýmelimi?! Saçy tokmak, boýy söýe ýalydy, Goly çeper, dokaýany halydy. Gözi göz, gaşy gaş, özüň ýalydy, Ýeri, sen şol gyza meňzäýmelimi?! Özüm sowuk boldum, uçurdym bagtym, Indi ökünýärin ýatlaýan wagtym. Topraga gömülip ýatan, eý, altyn Ýeri, sen şol gyza meňzäýmelimi?! Duşuşmagy besläp ýörün kalbymda, Mydama günäli şonuň alnynda. Goşaryň ak bolmasady bolmanda, Ýeri, sen şol gyza meňzäýmelimi?! Berk tutýan ýere satanmyşynlar, Tüýs arzuwlaryna ýetenmişinler. Bu sözüme ýanmadyklar düşünmez, Ýeri, sen şol gyza meňzäýmelimi?! Görküň öň görülen eziz görke deň, Sen haýsy toprakdan, haýsy ülkeden?! Hem-ä şatlandyrdyň, hemem örtediň, Ýeri, sen şol gyza meňzäýmelimi?! ©Amandurdy Annadurdyýew Çeşmesi: https://bilgirje.ashgabat.in/index.php/2020/03/25/yeri-sen-sol-gyza-menzaymelimi-amandurdy-annadurdyyew/. 04.05.2022ý. | |
|
| |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ "Ýene-de daň atdy..." / Goşgular - 01.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Aramyzdan gidenleri ýatlalyñ! / Goşgular - 12.01.2025 | |
| √ Oňşuksyz öý / Goşgular - 12.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Men bir ýola... / Goşgular - 12.01.2025 | |
| Teswirleriň ählisi: 0 | |