13:56 Gezek ýetirse | |
GEZEK ÝETIRSE
![]() Suwjarma eý ogul dek gez bozulma, Şeýle-de bozjak kän gezek ýetirse. Müzzerme eý ogul dikger üzülme, Şeýle-de üzjek kän gezek ýetirse. Seriňi belent tut, päliň pesden ýört, Ýagşy niýet bile halal nygmat ört, Nadan namart kişä jomart goluň art, Şeýle-de ýykjak kän gezek ýetirse. Bu ömür çarkandyk ýollar geçer sen, Beýige ýeten çagyň dostlar hoşlar geň, Kyn günüňde hoş dostlaryň daşlar çen, Şeýle-de depjek kän gezek ýetirse. Eý durmuş adyl bol merde mert deýin, Namardy hekgertme ot bilen çoýun, Her kese özi bol etdirme oýun, Şeýle-de ütjek kän gezek ýetirse. Halmyrat bu ýoldan ötüpdiň ençe, Kysmatym synagyň hanjaryn sünje, Köňlümi ynjytdyň dözüp sen munça, Şeýle-de dözjek kän gezek ýetirse. 04.02.2024 ýyl. | |
|
√ Dowamat / Goşgular - 08.08.2024 |
√ Muhammet / Goşgular - 27.08.2024 |
√ Tomusda gar küýsemen / Goşgular - 17.08.2024 |
√ Göwünlik / Goşgular - 12.08.2024 |
√ Agta han / Goşgular - 09.08.2024 |
√ Ýolbars we Möjek / basnýa / Goşgular - 05.01.2024 |
√ Iki jahan zyndan ise, gerek maňa bossan ola... / Goşgular - 11.08.2024 |
√ Musanyň kelamy / Goşgular - 25.06.2024 |
√ Gezek ýetirse / Goşgular - 29.05.2024 |
√ Durmuş toýunda okalan goşgy / Goşgular - 24.08.2024 |
Teswirleriň ählisi: 0 | |