Eli egrä

ELI EGRÄ

Eseriñ öwgä mynasyp,
Iblise çokunypsyñ!..
Siñe bakdym, añdym señ del
Mülke aýak sekeniñ.
Oljañ bezäp goşgyñy:
Ýöne, haýp, çekinipsiñ:
Bölüp-büçmän hemmesini,
Alaýmaly ekeniñ!

II.

Her egniñde bir ylham:
Onuñ biri edebiýat!
Her egniñde bir ylham:
Onuñ birem - plagiat!

Biri seniñ sogabyñ -
Adalatly dogrulyk:
Birem seniñ günähiñ -
Ol ysnatly ogrulyk!

Ol ylhamlañ haýsyna
Bagly borka kysmatyñ?
Ol kemallañ haýsyna
Gol bererkä hyzmatyñ?..

Pähim - ýardyr her zada!..
Gadymdan gelýän kada:
Dogruluk hak,
Galplyk nähak!
Hakykata - ak ýol!
Nähaka - ýok ýol!

Anna MUHADOW.