Gelenlere salam bolsun!

گلنلره سالام بۇلسون!

( پۇزییا میدانئنا گلن یاش غالامداش لارئما )

" غالان لارا سالام بۇلسون! "
یونس امره.

گؤزۆمیزی یۇلا دیکیپ غاراشدئق,
گلن لره سالام بۇلسون!
گۆنۆمیزی بارماق بۆکۆپ سانادئق,
گلن لره سالام بۇلسون!

بیز یادادئق, بیر آزاجئق یادادئق,
اؤی لریمیز یاناشئپجئق یاشادئق.
یالنگئشدئق.
سبأبی بیز-م آدامدئق,
گلن لره سالام بۇلسون!

آلئنگ, ایه چئقئنگ چشمه- زاولارا,
باشئ بلنت, اولومسئجا داغ لارا,
ساچاق لارا, تامدئرلارا, نان لارا,
گلن لره سالام بۇلسون!

بیز دی یۇلا چئقئنگ آق صابالاردا,
بیزی یادلانگ غۇییان اۇوازلارمئزدا,
جۇغابئمئز بۇلونگ سۇوال لارمئزا,
گلن لره سالام بۇلسون!

* * *

بۇورۆنگی دینگلأپ اۇتورما,
پلک دی گۆنگلأپ اۇتورما,
یاغشا ازیلن سطیرینگ,
گۆنشه چۇی!

سۆپۆر گؤزۆنگ, ای, آدام,
یالبارئپ, آلغئن الله-دان,
شادلئقلئ, غامغئن اۇوازدان
شادئنئ آل,
غامغئنئن غۇی...

✏️ همرا خودائغولئیو

GELENLERE SALAM BOLSUN!

(Poeziýa meýdanyna gelen ýaş galamdaşlaryma)

"Galanlara salam bolsun!"
Ýunus EMRE.

Gözümizi ýola dikip garaşdyk,
Gelenlere salam bolsun!
Günümizi barmak büküp sanadyk,
Gelenlere salam bolsun!

Biz ýadadyk,
birazajyk ýadadyk,
Öýlerimiz ýanaşypjyk ýaşadyk.
Ýalñyşdyk.
Sebäbi bizem adamdyk,
Gelenlere salam bolsun!

Alyñ, eýe çykyñ çeşme-zawlara,
Başy belent, ulumsyja daglara,
Saçaklara, tamdyrlara, nanlara,
Gelenlere salam bolsun!

Biz deý ýola çykyñ ak sabalarda,
Bizi ýatlañ goýýan owazlarmyzda,
Jogabymyz boluñ sowallarmyza,
Gelenlere salam bolsun!

* * *

Böwrüñi diñläp oturma,
Pelek deý güñläp oturma,
Ýagşa ezilen setiriñ,
Güneşe çoý!

Süpür gözüñ, eý, Adam,
Ýalbaryp, algyn Alladan,
Şatlykly, gamgyn owazdan
Şadyny al,
Gamgynyn goý...

Hemra HUDAÝGULYÝEW.