Demir ýol menzili

DEMIR ÝOL MENZILI

Men ýene ýolda, ýene men ýolda,
Märekesi güwläp duran menzilde.
Otyryn bir çetde täk özüm-tenha,
Salam, tanyş menzil, dolandym ine.

Dyz epeýin, gerdenimde ýoltorba,
Otlularda söhbet diñläp ýol aşdym.
Ýüzümde nur, ýüregimde nur barka,
Ýaşlygymy ýollar bilen paýlaşdym.

Maña kän zat, artyk bagt gerek däl,
Ümsümligi, şan-şöhraty nädeýin?!.
Men umumu wagonynda otlynyñ
Söhbetin diñlesem täze adamyñ.

Özümi şeýle bir bagtly duýýan.
Ýene bir dünýäni açanym üçin.
Bu durmuşda ýalñyz özümi söýmän,
Özgäñ dert badasyn içenim üçin.

Goý, yzymdan gol galgadyp derekler,
Ýatlatsyn ömrümiñ ötüp barýanyn.
Ýolagçynyñ keşbi galýar ýürekde,
Öñde Watan ýollaryny görýärin.

*    *    *

Hoşlaşykda söz gelmeýär dilime,
Kürtdürýän hem gözüm ýaşa gark eýläp,
Her gezek diýýärin ýanjap özüme:
"Menzole çykmaryn şu günden beýläk".

Emma ýene ugradýaryn ezizlem,
Dost-ýarymy, doganlarmy, köpleri...
Otly gidýär... hañlap galan menzilde,
Bir sahap ýukalýar Ýürek depderi...

*   *   *

Men - demir ýol esewançysy.
Otlulary garşy alýan, ugradýan.
Açýaryn, ýapýaryn şlagbaumy.
Kä otlular şaglap geçýär deñimden.
Käsi bolsa, zordan çalýar zoguny.

Men - şahyr.
Ykballañ esewançysy...

Hemra HUDAÝGULYÝEW.