12:20 Gijigen arzuwlar | |
GIJIGEN ARZUWLAR
Derdim artyp, gam baglanda gözümi, Şo günleri ýada salasym geldi. Men- aşyga rowa görmän özüňi, Giden ýollaryňy göresim geldi. Dünýäni unudyp söýgi ýolunda, Yşk meni gurşady sagy-solumda, Habar almasaň-da ýalňyz halymdan, Göwnüme göwünlik beresim geldi. "Söýgi külpetinden basyldym" diýmän, Durupdym sözümde, kemini goýman, Başyňda göremde al-ýaşyl öýmäň, Baş alyp düzlere çykasym geldi. Ykbalyma düşen günleri ýatlap, Durmuş gapysyndan täzeden ätläp, Käteler bu zatlaň baryny otlap, Gözümi ýaşardyp gülesim geldi... Yzda galdy şeýle geçen pursatlar, Gaýta-gaýta doňup eräp gursaklar, Könelipdir ýürekdäki hasratlar, Bagtdan öz paýymy alasym geldi. Soltansöýün GARRYÝEW. | |
|
√ At galar / Goşgular - 11.02.2024 |
√ Salam, Türkmenistan! / Goşgular - 01.01.2024 |
√ Gije hem gündiz / Goşgular - 07.02.2024 |
√ Nädip ýaşamaly?! / Goşgular - 13.01.2024 |
√ Çarwa arabyñ söýgüsi / Goşgular - 10.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Sowuk söz / Goşgular - 31.01.2024 |
√ Dünýe... / Goşgular - 11.02.2024 |
√ Günüñ monology / Goşgular - 01.01.2024 |
√ Är garrar... / Goşgular - 30.04.2024 |
Teswirleriň ählisi: 0 | |