Goşgymyñ ilkinji okaýjysyna

GOŞGYMYŇ ILKINJI DIŇLEÝJISINE

Ýyndam pikirlermiň at çapýan çagy,
Şygyr ummanynda ýüzsem kürekläp,
Öňüňde özümi borçly duýýaryn,
Goşgularma garaşaňda, gerekläp.

Ýazan bada ylgap baryp ýanyňa,
Joşan setirlermi okasam bir dem,
“Gowşagrak çykypdyr” diýseň kämahal,
Geňleme, ejizläp aglaýsam birden.

Men entek ýüz ýoluň birin geçemok,
Soňam, näme, görübiris-dä yzyn.
Şahyr bolmak arzuwynda ýaşaýar
Birneme ýygrarak, çekinjeň gyzyň.

Guraksy bolsa-da, ýöntem bolsa-da
Goşgy diýlip ýazlan bäş-alty setir,
Şonda-da diýýärsiň: “Gel, okap ber-de,
Meniň ene kalbym asmana ýetir”.

Edil şu wagt okamaga zadym ýok,
Indi-hä ýazmakçy güýz gijesine.
Bergidar men, ömürboýy baş egýän
Goşgymyň ilkinji diňleýjisine.

Annajemal ÇARYÝEWA.