Kyrk ýaşa ýüzlenme

KYRK ÝAŞA ÝÜZLENME

Çüñküñ almazdandyr, dyrnaklañ aran,
Ganatlaryñ çeýe, polat şuñkarym.
Alaw gözleriñi añk bolar gören,
Hünärine ezber-belet şuñkarym.

Edil häzir seniñ dokuzyñ doly,
Gujuryñ-gaýratyñ saklajak sili,
Asmandan taşlanan tokga daş ýaly,
Inni gel, awuñy kül et şuñkarym.

Sypdyrma tilkini, küren tapmasyn,
Hüşgär bol, al salyp gözüñ gapmasyn,
Güýjüñe bäs gelmän ýagşyñ çatmasyn,
Ýykaýdygyñ saña nälet şuñkarym.

Awuñy sypdyrsañ durkuñ ýas tutar,
Ertir giç, gojalyk yzyñdan ýeter,
Ýagşy zat bolarmy alkyşdan beter,
Eliñde, ömrüñi gül et şuñkarym.

Amandurdy JANMYRADOW.