22:52 Mamam gözýaş döküp aglaýar eken | |
MAMAM GÖZÝAŞ DÖKÜP AGLAÝAR EKEN
Jeňden söz açylsa telewizorda, Ýa-da kino görkezilse söweşli. Mamam gözýaş döküp aglaýar eken: «Meniň agalamam şeýdip söweşdi. Bilýän, olar şeýdip söweşendirler, Mertdiler, ýüzlerni çytman gitdiler. Yzlaryndan garap galdyk, hoşlaşdyk, Olar yzlarna-da bakman gitdiler». Iki agasy-da gelmändir gaýdyp, Pahyr urşuň agyr labyryn çeken. Iller ýeňiş günün baýram etseler, Mamam gözýaş döküp aglaýar eken. Indi ondan bäri ençe ýyl geçdi, Bu dünýeden ötdi hatda mamamam. Köneje jaýyndan nyşan galmady, Ulaltdylar onuň bolan tamynam. Käte babamlarda mazam bolanok, Oturjak ýerimde bar ýaly tiken. Göwnüme bolmasa, sesi gelip dur, Mamam gözýaş döküp aglaýar eken. Güljan DURDYÝEWA. | |
|
√ Sowuk söz / Goşgular - 31.01.2024 |
√ Düýş hem ýagyş / Goşgular - 09.01.2024 |
√ "At bilen kowalap gördüler ony..." / Goşgular - 01.01.2024 |
√ «Превратила всё в шутку сначала…» / Goşgular - 29.02.2024 |
√ Ak buýnuzly ak maral / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ "Ulag gidip barýar..." / Goşgular - 28.04.2024 |
√ Garaş maňa / Goşgular - 17.02.2024 |
√ Düýşgowuran / Goşgular - 08.04.2024 |
√ Salam, Türkmenistan! / Goşgular - 01.01.2024 |
Teswirleriň ählisi: 0 | |