Meñ seni şeýle bir göresim gelýär

MEÑ SENI ŞEÝLEBIR GÖRESIM GELÝÄR

Meñ seni şeýle bir göresim gelýär,
Gel, garaşyp durma, çakylygyma.
Kän zat hakda gürrüñ beresim gelýär,
Ynanyp söýginiñ bakylygyna.

Häzir bizi ilkibaşda duşuran,
Güýz ýene-de goş ýazdyrdy şäherde.
Hem owalky endigine eýerip
Asmanyñ ýüzüni tutdy çal perde.

Ho-ol agras bulutlar ýagar hä diýmän
Galarsyñ köçeleñ ýuwlanyn duýman.
Ýaşaýarkañ şeýle günleñ goýnunda
Heý, bormy ýüregiñ emrine uýman.

Ne öýüñ içinde taparsyñ karar,
Ne-de üýşmeleñler göwnüñe ýarar,
Oturansyñ synlap agaçlañ başyn
Ýapraklaryñ düşüşini bikarar.

Şonda meniñ diñe seni- bir seni
Küýseýänim däldir asla nätanyş
Her Güýz uzap barýan altyn ýodalar,
Meni saña golaýladýar bir garyş.

Aklym ýene ýatlamada eglenýär.
Meñ seni, şeýlebir göresim gelýär.

Gurbanjemal ANNAKOWA.