11:31 Aýal dogan | |
AÝAL DOGAN
Şu dünýäde üýtgeşik bir zenan bar, Gözelleň gözeli, gülleriň güli. Onuň hem başyny sypady meniň Mähriban käbämiň mylaýym eli. Biz ikimiz asman bilen päk Zemin, Biz ikimiz dolan Aý hem nurly Gün. Sen hakynda ýazan aýdymlarymy Içimden sessizje gaýtalap ýörmän Bütin ile ýaýyp aýdýaryn bu gün. Goý, tanasyn seni meni söýýänler, Goý, tanasyn seni meniň dost-ýarym. Goşgyma sygmadyk ykbalym hakda Goý, senden bilsinler, Aýt, senem baryn. Gelnaljynyň alyp giden ýoluny Yzlaý-yzlaý meni gözläniňi aýt. Soň bir gün eşidip şahyr bolanmy Dözmäniňi, aýt! Aýdyber başga-da näme isleseň, Ýatlamalar hat deý ýazylýar ýada. Öýümiz, obamyz, mallarmyz hakda, Arzuwlarmyz hakda sadadan-sada. Pederimden miras galan baýlygym, Uýam sen, janym sen, mydam geregim. Ykbal ykbalyňdan aýry bolsa-da, Senden aýry däldir meniň ýüregim. Ýyllar bizi aýryp bilmez hiç haçan, Diller bizi aýryp bilmez hiç haçan. Uzabersin ömrümiziň hatary Ýollar bizi aýryp bilmez hiç haçan. Kalbym içre akyp ýatyr çeşme-çaý, Sözler zybanyma inip dur, ine. Seni ho:l daglara meňzedip ýörün, Meňzedip bilmämsoň başga birine. Ýör, birsalym aýlanaly sährada, Bu goja Zemine bereli salam. Sen ýanymda bolsaň, bitmejek işim, Bolmaz meniň alyp bilmejek galam! | |
|
√ Aldawçynyñ pañ-pañy / Goşgular - 18.01.2024 |
√ Suwdan ot çykaran goşgy / Goşgular - 31.01.2024 |
√ Gije hem gündiz / Goşgular - 07.02.2024 |
√ Är garrar... / Goşgular - 30.04.2024 |
√ Dostluk hakda / Goşgular - 18.02.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Sumbaryñ kenarynda / Goşgular - 01.01.2024 |
√ Bagyşla! / Goşgular - 01.01.2024 |
√ Meniñ monologym / Goşgular - 01.01.2024 |
√ Yzany yşkyma ýamag etdim / Goşgular - 15.04.2024 |
Teswirleriň ählisi: 1 | ||
| ||