Главная » 2021 » Oktýabr » 24 » Zenan nädip şygyr ýazýar?!
22:04

Zenan nädip şygyr ýazýar?!

ZENAN NÄDIP ŞYGYR ÝAZÝAR?!

- Zenan nädip şygyr ýazýar? - diýýärler,
Kalbyn syýa edip ýazýandyr Zenan.
- Neçüýn beýle agyr ýazýar? - diýýärler,
Ömrün ryýa edip ýazýandyr Zenan.

Bolmaýar sabrynyñ çägi gerimi,
Eziz görer mähir tapan ýerini,
Ýagşylyga belent tutup serini
Şere haýa edip ýazýandyr Zenan.

Ýagşy biler namys näme, ar näme?!
Wepa näme, ygrar näme, ýar näme?!
Inçe sebäp gözlär söýlüp söýmäge,
Yşkyn aýan edip ýazýandyr Zenan.

Hak gysylman eçilipdir söz gorun,
Ynsan ýüreginiñ töründen orun,
Hala çitişi deý gözellik syryn,
Nepis beýan edip ýazýandyr Zenan.

Şygyr - ala meýdan, duýgy bir goşun,
Pasyrdadyp barýar tugun durmuşyñ
Söýgiñ iñ belendin,
Bagtyñ çür başyn,
Süýji beýan edip ýazýandyr Zenan.

Näzik göwün, çyk daglara, alaña,
Ürküzme badyñy çyna-ýalana,
Çendenaşa hamraklygyn galama,
Hakdan ykbal edip ýazýandyr Zenan.

Gurbanjemal ANNAKOWA.
Категория: Goşgular | Просмотров: 391 | Добавил: Nefertita | Теги: Gurbanjemal Annakоwa | Рейтинг: 4.2/4
Awtoryň başga makalalary

Goşgular bölümiň başga makalalary

√ Sowuk söz / Goşgular - 31.01.2024
√ Suwdan ot çykaran goşgy / Goşgular - 31.01.2024
√ Täjir tanşyma / Goşgular - 16.01.2024
√ Goltugy daşly adam / Goşgular - 05.01.2024
√ Gowy görülen goşgy / Goşgular - 05.01.2024
√ Ynanarmykan? / Goşgular - 30.01.2024
√ Är garrar... / Goşgular - 30.04.2024
√ Meniñ monologym / Goşgular - 01.01.2024
√ Ýagyş damjasy / Goşgular - 24.03.2024
√ Lenç edilen nakyl / Goşgular - 05.02.2024

Teswirleriň ählisi: 4
1
1 mango  
651
- Neçüýn beýle agyr ýazýar? - diýýärler,
Ömrün ryýa edip ýazýandyr Zenan.

Ryýa - ikiýüzlilik, ilgözüne hereket etmek… ýaly manylary bar.
——
Рия — исламский термин, обозначающий показные действия и свершение благого ради того, чтобы покрасоваться перед другими людьми, а не ради Аллаха….
——

1
2 Nefertita  
991
Yrýa edip - biderek, ýakyp, köýdürip, isrip edip, özüne zyýan edip (Ömrüne) manysynda okap göräý.

1
4 mango  
651
Aý, ýok. Onda-ha hasam bolmyýa.
—-
Ömrün zaýalap ýazýandyr Zenan.
Ömrün isrip edip ýazýandyr Zenan.
Ömrüni netijesiz ýazýandyr Zenan.
Ömrün biderek edip ýazýandyr Zenan.
—-
Sözlükden:
Yrýa sypat
[yrýa:]
Zaýa, isrip.
Biderek, boş, netijesiz, hata.

1
3 mango  
651
Şygyr - ala meýdan, duýgy bir goşun
——
Aslynda “ala” bolmaly däl, “a:ly meýdan” bolmaly.
Ýagny “ala” däl-de “a:ly”.
“onuň alyhezretleri” diýilýändir, ýagny mertebesiniň beýikligini aňladýan söz.
Alynyň a:ly meýdany - hz. Alynyň giň meýdany, söweş ýeri… -ni aňladýar.
—-
ýa Gurbanjemal hanym “şygyr - ala meýdan” diýende gülleriň ala-beder reňkinden söz açdymyka?
“Şygyr - gül açylan ala meýdan, duýgy bir goşun….” - ýaly manyda bolsa, onda-ha bolýorom ol.

Teswiri diňe saýta agza bolan ulanjylar goşup bilýär.
[ Agza bol | Saýta gir ]