Pursat

PURSAT

Sensiz doñup galan pursaty gyssap,
Ýerime howlugýan bile gezmelän.
Içinde ylgardyk şemala garşy
Gyzyl gülälekleñ, ýaşyl selmeleñ.

Şo:l köl henizlerem otyr gugaryp,
Gaýyklar gyrada yrgyldaşyp dur.
Baraklaram saz çalanok şowhunly,
Öñki gür ýylgynlar selçeñleşipdir.

Yassanyp bir-birin şol goşa çynar,
Seretsene bize garaşypdyrlar.
Biz deý öýkeleşip ikä bölünen
Yodalar-a eýýäm "ýaraşypdyrlar".

...Kem-kem dyzyn epdi garamtyl iñrik,
Üzüläýjek bolýar duýgulañ tary.
Buýsançdan ýeñilen hem ejiz hem mert,
Ýürek ýitiripdir sabyr-karary.

Bölek-bölek pursatlar bar añymda
Olary oñmadyk goşgym deý ýyrtýan.
Ýaşan günlem geçdi,güldüm, agladym
Ýaşalmadyklardan şeýle bir gorkýan.

Meñli AŞYROWA.