14:45 Täze ýylda | |
TÄZE ÝYLDA
(ýarym degişme) Täze ýylda täze bolsun donuňyz, Täze ýylda sagat bolsun janyňyz. Bagt guşy depäňizde pel-pelläp, Elmydama pully bolsun ýanyňyz. Täzeden-täzeçe arzuw edilsin, Täze ýylda alyslara gidilsin. Adamlar täzeçe gatnaşyk açyp, Köne öýke-kinelerin unutsyn. Täzeçe okalsyn okalan goşgy, Täzeçe wasplansyn gyzlaryň yşgy. Ajap gözellikler ornaşyp dünýä, Owadanlansyn dünýäniň keşbi. Täze bolsun gelin-gyzlaryň näzi, Ýüreklerde goýsun öçmejek közi. Mähir-muhabbetden tutup ýüklerin, Täzeçe ýaňlansyn olaň owazy. Täze ýylda täzelensin köneler, Täzeçe bellensin täze seneler. Ýöne, “dostuň, meýiň könesi ýagşy”, – Aýdypdyrlar akyldarlar – danalar. Goý, Täze ýyl rysgal-döwlet getirsin, Ene perzendini rahat ýatyrsyn. Ýeneki ýyllarda täze ýyllary, Garşylamak hemmämize ýetirsin. Annamuhammet ALLAGULYÝEW. | |
|
√ Жизнь / Goşgular - 29.02.2024 |
√ Kyrk ýaşa ýüzlenme / Goşgular - 03.02.2024 |
√ Alabahar / Goşgular - 21.03.2024 |
√ Puluň başarnygy barada agymtyl goşgy / Goşgular - 10.01.2024 |
√ Ýagyş damjasy / Goşgular - 24.03.2024 |
√ "Ulag gidip barýar..." / Goşgular - 28.04.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Garyp köñlümiñ soltany / Goşgular - 21.02.2024 |
√ Aldawçynyñ pañ-pañy / Goşgular - 18.01.2024 |
√ Soltan / Goşgular - 27.03.2024 |
Teswirleriň ählisi: 0 | |