Begler

BEGLER

Ýolum düşüp geldim nohur iline,
Bolmuşam men melul şirin diline.
Aklyň ýetmez dagdan inen siline,
Görmedige ahwal armandyr, begler.

Dagdan gaýdar kötel ýoly, köçesi,
Jana derman- otursaňyz keçesi.
Jahyl eken –diýdim- garry gojasy,
Aýdan sözi, belki, permandyr, begler.

Manamany otyr, Keledi otyr,
Nuhuň gämisine beledi otyr.
Diňledim giç agşam, diňledim ertir,
Daglary, daşlary gürländir, begler.

Goçmyrat ahundan gaýdan wesýeti,
Berjaý bolmuş, çekseň-de sen hesreti.
Dil ýetiren çekendir soň ezýeti,
Nadanlar gara ýer sermändir, begler.

Synladym kän atam gezen ýerlerin,
Jülgelerin, derelerin, baglaryn...
Ata münüp, sermest bolan çaglarym -
Simap jana däri-dermandyr, begler.

29.05.2016.