Bentler

BENTLER

Serhede ýetmesin hiç bir duýgy-da,
Arasynda çäk saklansa, gowy eken.
Meni senden jyda düşüren günler
Gül ömrümiñ ýazylmadyk towy eken.

* * *

Çal sepipdir saçlaryma bu ýyllar,
Ýürek gartaşmasa, çalarmasa bor.
Goý, agarsyn ähli garalyk munda,
Diñe gara gözler agarmasa bor.

* * *

Men saña ýazaýyn ganatly sözler,
Didelerim didaryñdan ganmasyn.
Gözi gidip baksyn synlaýan gözler,
Aýryp bilmän, goý, aýralyk aglasyn.

* * *

Meni ynjaldyran sensiñ, gerçegim,
Saña bagly meniñ ýagty geljegim.
Sen "Uçaly" diýseñ, uçar giderin,
Näme munda senden galyp görjegim.

* * *

Akar suw hiñlenýär ýaşaýyş hakda,
Oña yranyplar goşulýar gamyş.
Kümüş Aý synlaýar akarda keşbin,
Gör, juda owadan, gözel ýaşaýyş.

Enejan HANGULYÝEWA.