Daglar

DAGLAR

Geldim menem, geldim bu gün saýaňa,
Duýduňmy daşlarňy guçanmy, daglar!
Yhlasymy al-da, gaýrat ber maňa,
Salgy ber ýodalaň açarny, daglar!

Aýlansam, çeşmeleň gansam suwundan,
Belki, bu tukatlyk gider göwünden.
Aýdym alyp, ganat alyp her günden,
Goý, görsün dostlarym uçanmy, daglar!

Dyrmaşsam, depäňe ýetse meň ellem,
Ýürek ynjalarmy synlasa, dillen?!
Belentligiň ysyn alyp birsellem,
Bulutlaň ak süýdün içenmi, daglar!

Gaýalaryň golaýyna bardygyň,
Synlarmyşyn ejizdigiň, zordugyň.
Bir bakanda, kalbyňda ne bardygyn
Aňarmyş diýýärler, bu çynmy, daglar?

Bilýänsiň, agtaryp gezmedim altyn.
Il-günüň bagtyny saýdym, öz bagtym.
Şonda-da, kämahal ýanmaly wagtym,
Köräp, ýanyp bilmän, öçenmi, daglar!

Gulak salyp danalaryň sözüne,
Аrzuwlarmу baglap gezdim düzüme.
Gören bolsaň, çek garany ýüzüme,
Päklikden aramy açanmy, daglar!

Ejiz gelse, undup ony şobada,
Mertleri ýatlamak seň üçin kada.
Aýt hany, çendan bir salarmyň ýada
Meňem seni söýüp geçenmi, daglar?

Italmaz NURYÝEW.