Dolanmak

DOLANMAK

Gaýdyp geldim dolanmagyñ-gelmegiñ,
Doglan ýaly zatdygyna düşünip.
M.Babanazarow

Men dolandym, doglan dogduk depäme,
Nazarym ýetişdi mährem mekana,
Hudaýa müñ şükür degdi dabanym.
Ürgün çägeleri zerden ülkäme.

Geñ duýgular,
Täze doglan ýaly men,
Bir görseñ çal, bir-de oglan ýaly men.
Dabaraly günlem entek başlanok,
Ýa toýlarym eýýäm sowlan ýaly meñ.

Gazanç diýip gözläp ýagşy güzeran,
Dogduk güzeriñden bäş gün daş bolmak.
Bagt däl eken dokuzyñy düzeýän,
Ýok, ol gaýta pida bolup başlamak.

Geldim
Ýedi arkamyñ ýatan mesgeni,
Durmuş sazlaşykly gadym mesnewi.
Süýji tukatlygyñ sowulmaz sazy,
Dolanmak täzeden dogulmak ýaly.

• Watan küýsegi

Şirin janyñ bermekligem haýyp däl,
Hiç bolmanda görseñ dogduk kenaryñdan göterilýn süýji tüssäni.
Gomer "Odisey"

Watanyñ howasyn küysedim
Demikdim dogrusy bu ýerde.
Bir sanjy içimden çüýledi,
Bolaýjak bolsam-da teý merdem.

Watanyñ suwuna teşneläp,
Ýat ýerde gurady bogazym.
Öz ilim ruhuma baş pena,
Geldi hut gussany bogasym.

Gitmeklik aslynda nesibe,
Dolanmak ykbalyñ çüwmesi.
Meñzeş men azaşan ýesire,
Emma hiç hasrata çümmedim.

Añladym hasrata gark bolsam,
Galkyp bilmejegmi asla.
Gyş kalply daş ýurda örklensem,
Müdimi bataryn gam-gussa.

Gün-günden aýralyk azary,
Ýüz esse
Ýok, ýüz müñ esse bor.
Ýat ýurtda eşretiñ gülzary,
Bu kenarda süýji tüsse bar.

Sylapberdi MUHAMOW.

07.09.23.

Kazan-Aşgabat. Daşoguz.