Dünýäm

DÜNÝÄM

Bagt guşun ugratjak gizleme salgyñ,
Bu ykbal sañadyr, ret etme algyñ,
O dünýe bilmedim, bu dünýe çelgiñ
bolaýyn, dünýäme gelsene, dünýäm.

Alada-gaýgyny köñlüñden öçür,
Ýat tutan yşgymy kalbyña göçür,
Bir haýyşt, ezizim, bolma-da kejir,
Aşygyñ gujagna ýelsene, dünýäm.

Barmagym kesemde göwnüm saranym,
Köplükde göz asty, ogryn garanym,
Bir saña aýtmakçy kalbym parolyn,
Diñeje girmäni bilsene, dünýäm.

Dünýeden köp dänen sözünden dänmez,
Gözleñ görejinden aşygyñ tänmez,
Yşkdan doýup bo:rmy, sereden ganmaz,
Dyrnaklap kalbymy dilsene, dünýäm.

Gabrymy göz ýaş däl, ýagyşym suwa:r,
Dadyma ýetiş sen inmesin gubar,
Ba:r zadym ýitse-de diýeýin şu bar,
Ýanymda ömürlik bolsana, dünýäm.
Gelsene, dünýäm.

Ahmet ARAZOW