Главная » 2018 » Oktýabr » 27 » Durmuş
17:40

Durmuş

DURMUŞ

Men durmuşa başgaçarak düşünýän,
Durmuş köl içinde ýatan suw däldir.
Ol mydama däli derýa deý joşup,
Öz akymy bilen öňe gidýändir.

Durmuşy hakykat bilen agtaryp,
Her gün gussa bilen atyrdym daňy.
Maňa bu durmuşda rol berilmedi
Ilki oýnap, soňra goýaryn ýaly.

Indi geçenleri ýatlap otursam,
Sanardan köp eken durmuşyň derdi:
Ömür gülüp ýören meni agladyp,
Ömür aglap ýören meni güldürdi.

Ýöne däli derýaň soňu-da bolýar,
Durmuş kitabynda ýapylar gatym.
Meniň kimdigime düşüner olar
Bir gysym topraga garylan wagtym.

04.06.2018
Goşgular
Категория: Goşgular | Просмотров: 635 | Добавил: Maksat | Теги: Maksat Seýitliýew | Рейтинг: 3.0/2
Awtoryň başga makalalary

Goşgular bölümiň başga makalalary

√ Din-u millet sorar iseň, aşyklara din ne hajat? / Goşgular - 05.11.2024
√ Ýolbars we Möjek / basnýa / Goşgular - 05.01.2024
√ Сүйіп өтем / Goşgular - 11.10.2024
√ Pyglym harapdyr / Goşgular - 29.06.2024
√ Bagyşla, eje! / Goşgular - 25.08.2024
√ Goja söýgi / Goşgular - 23.10.2024
√ Kim aýtdy ýara / Goşgular - 14.09.2024
√ Günüñ monology / Goşgular - 01.01.2024
√ Moda hakda modasyz goşgy / Goşgular - 15.11.2024
√ Eýdip-beýdip... / edebi ýaňsylama / Goşgular - 12.01.2024

Teswirleriň ählisi: 1
0
1 Garaýolly  
27
Magsadyň ,,durmuş''goşgysy gowy çykypdyr. Durmuşuň haspiýetine laýyk täsirli sözler,setirler bar. Mysal üçin ,,Ömür gülüp ýören meni agladyp, ömür aglap ýören meni gülgürdi''kimin. Ýöne owazy buduredýan ýeri bar. ,,Maňa bu durmuşda rol berilmedi'' setiri labyzsyz çykypdyr. Endigan aheňiň kadasyny bozýar. Elbetde, şahyra şeýdip ýaz-eýdip ýaz diýip gorkezme berip bilmerin. Ýöne ol setiriň ,,Rol berilmedi durmuşda maňa''wariyantyny aýtsam şahyr düşünermika diýýän. Kapyyalary yaman däl. Emma ,,atyrdym daňy,goýarym ýaly'' sözler kapyyalaşmaýar. Diňe iki sözdäki ,,r'' , ,,y'' , ,,m'' harplaryň owazy äheň sazlaşygyny saklap dur. Şygryň kapyyasy has duýarlykly bolsa gowy.

Teswiri diňe saýta agza bolan ulanjylar goşup bilýär.
[ Agza bol | Saýta gir ]