Durmuş sapaklary

DURMUŞ SAPAKLARY

Uslypmydyr bir ullakan adama
ownuk-uşak gepe gulak gabartmak?
Uslypmydyr bir edermen ýigide
bir ejiz bendäni urup aglatmak?
Uslypmy sakgalñy girewne goýup,
adam aldatmak?
Ekleýärkä çekýän halal zähmetiñ,
Uslypmydyr çekmek özgäñ minnetin?
Uslypmydyr goç ýigide
Ýardan özgä ýaranmak,
Uslypmydyr ýaran bolup şer işe,
Haýyr işe ýaýdanmak?
Ýalandan ýylgyryp,
ýalan aglamak
bähbit arap, özge birin aldamak?
Uslypmydyr jany sagat adama
ýatyp ýadamak?
Uslypmy şahyra ýalan ýaşamak,
Ýalan sözi,
ýaman sözi,
galp sözi
dogry söze derek satyp, mes bolmak,
mertebåñi salyp aýak astyna,
derejäñden pes bolmak
uslypmydyr adama?

... Megerem, uslyp däldir.

* * *

Söýgi hiç wagt gutulmaýan bir dertdir,
Ömrïñ ahyrna çen halas bolma ýok.
Yşk adama Hak tarapyn berlipdir,
Ondan gutulma ýok
ýa-da ölme ýok.

Ol derýa dek käte-käte meseýär,
Ol deñiz deý aram-aram peselýär.

Ummanlar deý bar onuñam daşgyny,
Umman kimin bar onuñam gaýtgyny.
Gojalarda oýarýar ol ýaşlygy,
Bar onuñam baýram güni, aýt güni.

Kä aña eýgertmän, ýürege dolup,
Kä añdan ejizläp, ýürek gowzaýar.
Söýgi hiç wagt gutulmaýan dert bolup,
bizden biding
mahal-mahal gozgaýar.

Atamyrat ATABAÝEW.

"GARAGUM" žurnaly, 5/2016 ý.