Gözleriň

GÖZLERIŇ

Gözleriňde ne jady bar aýtsana?
Hem-ä çylşyrymly hemem ol sada.
Hem mähriban hem-de bend eder seni,
Hem-ä ýüregimi diler şo bada.

Bakmasaň armanda, baksaň azapda
galýaryn, günäsiz gözleri çarhlym.
Emma,
Didämi aýyrman dideleriňden,
Azaby, eşreti özgeden parhlym.

Hem bagtym, hem gussam hemme aladam,
Pyýala gözleriň merkezindedir.
Sen maňa söýgi däl, sebäp hasratsyz
bagtym atasynyň erkesindedir.

Nirede bolsaň hem ýakynmy-uzak,
Gözleriň açylsa sag-aman örýän.
Özgeleň gözünde iki reňk görsem,
Seniň gözleriňde dünýämi görýän.

Ahmet ARAZOW.